Dúas tempadas, cun ascenso e unha permanencia despois, Jorge Carreira deixa de adestrar ao Maristas Coruña. Así o anunciou o club herculino en redes sociais, reproducindo a mensaxe de despedida dun apaixoado do baloncesto vinculado desde categorías inferiores ao equipo.
“Con esta mensaxe acábase oficialmente unha etapa, a máis importante da miña vida probablemente. É moi complicado para min escribir este texto, é deses momentos no que, aínda que sabes que poden acabar chegando, nunca estás preparado para afrotnalo. A tempada que vén non estarei adestrando no Club Maristas“. Con estas palabras, Jorge Carreira di adeus ao club da súa vida, a súa “casa”, deixándoo salvado na Liga Feminina 2.
O técnico recibiu unha oferta para adestrar a outro club para a próxima tempada, “unha nova etapa da miña vida pola que tanto traballei e sempre soñei, pero que ten o difícil reto de facerme desfrutar do baloncesto como o fixen aquí, NA MIÑA CASA”.
Jorge Carreira, toda unha vida vinculada ao Maristas Coruña
A historia de Carreira co Maristas comezou cedo. Cando cursaba 4º de primaria, coñeceu o campus de Perbes e decidiu adentrarse no mundo do baloncesto, comezando a adestrar co equipo do seu colexio, o Maristas, na seguinte tempada. Así comezou un camiño que levaría da man ao xogador e futuro adestrador e ao equipo herculino ata agora.
Na súa carta de despedida, o técnico recorda a todas aquelas persoas que lle axudaron neste camiño e o levaron ata o momento no que se atopa actualmente. Tamén tivo palabras para o plantel do primeiro equipo: “Grazas por eses dous anos de traballo, esforzo, sacrificio, pero sobre todo, grazas pola confianza que demostrastedes desde o primeiro día cando todo o mundo sabía que ía ser complicado este traxecto”.
GRACIAS CARRE#ActitudparaAprender
Compartimos con todos vosotros el escrito que Jorge Carreira remite al Club, al que agradecemos su trabajo todos estos años y al que deseamos mucha suerte en sus nuevos proyectos. Hasta pronto…@SomosABANCA @coruna_deportes pic.twitter.com/6SCzOpiwYJ— Club Maristas Coruña (@MaristasCoruna) April 25, 2021
