A unha xornada para que finalice a tempada regular na Segunda División do Fútbol Sala Feminino da RFEF falamos con Jorge Basanta, adestrado do Viaxes Amarelle FSF as líderes e campioa do Grupo 1 da Segunda División. Teñen uns números que meten medo. O equipo herculino suma 75 puntos. Todos os posibles. Logo de 25 partidos as coruñesas están invictas. Suman 161 dianas e so encaixaron 32 goles, esto supón que son as menos goleadas e as máis goleadoras. Teñen posta a quinta marcha rumbo á Primeira División desde o minuto 1 desta campaña.
Non baixan o pistón nin sabéndose clasificadas e campioas de grupo. Esta xornada golearon 7-0 ás súas inmediatas perseguedoras, o Cidade de As Burgas GLS, que tamén xogará o play-off de ascenso. Ambos os dous equipos serán a representación galega nesa fase competitiva que decidirán entre os oito mellores conxuntos da Segunda División nos seus diferentes grupos, quen é digno de xogar na elite.
Ambas as dúas escuadras, a ourensá e a coruñesa podería ascender. “Oxalá”, respondía Jorge Basanta cun sorriso cando se lle preguntaba pola posibilidade de que o vindeiro curso, a máxima categoría do futsalfem estatal tivese non catro senon seis equipos galegos. Media ducia de equipos de Galicia nunha liga de dezaseis clubs! Imaxinades? Sería unha proba máis do nivel que atesora o cinco contra cinco da nosa comunidade.
Con todo, Basanta ten os pés no chan. É consciente do potencial do equipo que prepara, non se esconde, nin vai de vítima, nin de tapado, nin opta por unha falsa humildade. Apela ao traballo e a non renderse se non saen as cousas á primeira. Sabe tamén que aínda non está nada decidido e que os partidos, hainos que gañar na pista.
Se o Viaxes Amarelle FSF quere recuperar o seu sitio entre as mellores, terá que demostralo na cancha. Vense capaces. Os seus números, a súa traxectoria, avalan a súa candidatura.
S.C.: Aínda que foi un derbi, e había moita gana de xogalo, poderiamos decir que o partido desta semana ante o Cidade de As Burgas era case un trámite, dígoo por aquelo de estar xa clasificadas?
JORGE BASANTA: Un partido de trámite para un derbi é moito dicir. Foi un partido entre dous grande equipos. Empezamos moi ben, moi enchufadas e ese parcial de 3-0 deunos un pouco de tranquilidade para afrontar o resto do partido. Agora xa estamos pensando no seguinte partido e no ‘play-off’.
S.C.: Xa tendes todos os posibles rivais analizados? Cantas horas de vídeo levades no lombo?
JORGE BASANTA: Aínda me quedan partidos por analizar e teño uns cantos. Imos pouco a pouco. Coido que nos vai tocar o Alcantarrilla. Xogaremos na casa o día 4 a un partido.
Esperamos chegar en boas condicións. Volvemos traballar este luns para tentar gañar outra vez a semana que ven e chegar con pleno de vitorias a ese partido.
⚽ #FútbolSala
O @amarellefsf leva pleno de vitorias, 25 de 25 e quere seguir así. Contóunolo nesta 🗣️ conversa o técnico, @JorgeGBasanta 🗨️ “Traballaremos para chegar con pleno de vitorias ao #playoff“#Entrevista 👇https://t.co/NFTbYrPa3a pic.twitter.com/kUlVfwITbs— As Nosas – Xornal Deportivo (@asnosasdeportes) May 23, 2022
S.C.: Sería un pouco injusto, logo da gran tempada que levades, caer no chanzo final, pero o certo é que pode pasar… Queda o máis complicado e os rivais estarán pensando o mesmo ca vós…
JORGE BASANTA: Hai unha reglas. Temos que traballar e adaptarnos. Quedar primeiras danos un factor vantaxe que é ter que xogar un partido, e na casa. E se non gañamos ese partido, que eu creo que estamos preparadas para competilo e gañalo, teremos máis opcións.
Temos que seguir adestrando, traballando nesta dinámica. Coido que esta xornada fixemos un partido moi completo e nesa dinámica e iso danos folgos para seguir.
Jorge Basanta, adestrador do Viaxes Amarelle FSF: “Desexámoslle ao Cidade moita sorte nese play-off estamos seguros de que vai facer un grandísimo papel. Oxalá poidamos recuperar os dous equipos a categoría que perdemos”
S.C: E se o vindeiro ano houbese seis equipos galegos na máxima categoría?
JORGE BASANTA: Oxalá! Desexámoslle ao Cidade moita sorte nese play-off estamos seguros de que vai facer un grandísimo papel. Oxalá poidamos recuperar os dous equipos a categoría que perdemos.
O Cidade de As Burgas GLS acompañará ao Viaxes Amarelle no ‘play-off’ de ascenso
