O adestrador do Viaxes Amarelle FSF, Jorge Basanta, analizaba para As Nosas o partido que esta fin de semana enfrentaba ás coruñesas coas ourensás do Cidade de As Burgas. Na mente das dúas formacións estaba antes do choque a mesma idea na cabeza: poñer terra entre delas e coa cola da Primeira División Feminina do Fútbol Sala da RFEF.
Así o confirman as palabras de Basanta que explica que as herculinas xogaban “na casa, viñamos de gañar a ida, queríamos sumar de tres en tres para subir na clasificación e separármonos entre nós”.
Con todo, o preparador das laranxas ve o empate como un resultado “xusto. Na primeira parte dominaron elas e na segunda nosoutras. Todo sigue como estaba e temos que seguir mellorando”, anticipa. As coruñesas son sétimas e as ourensás, oitavas nun Subgrupo A composto por nove equipos.
Para Jorge Basanta, entrenador do Viaxes Amarelle, o partido contra do Cidade de As Burgas “foi un derbi moi disputado e moi bonito sabiamos que non había ser doado. As Burgas foi mellor sobre todo nos primeiros dez minutos da primera parte. Xusto cando estabamos mellor encaixamos un gol de transición. Tivemos que remar e a partir do descanso creo que o noso equipo foi un pouco superior e cando conseguimos empatar recibimos un gol dunha xogada magnífica de Clara“.
Jorge Basanta, entrenador do Viaxes Amarelle: “O empate é xusto. Na primeira parte dominaron elas e na segunda nosoutras. Todo sigue como estaba e temos que seguir mellorando”
Remata explicado o técnico que, cara ao final do choque “con porteira – xogadora, tentámolo. Ao final por ganas e convicción conseguimos o empate”.
“Somos dous equipos moi novos, nestes partidos igualados a veteranía marcan a diferencia. Elas teñen dúas xogadoras máis experimentadas e como tiñan cinco faltas nós podiamos arriscar máis e ademais iamos por debaixo no marcador. Sacamos esa quinta falta, tivemos os dez metros, non os metimos pero soubemos seguir pelexando até o final e conseguimos un empate”, relata o adestrador galego Jorge Basanta.
