Jorge Basanta deixa de ser adestrador do Viaxes Amarelle FSF. Así o fixo público o propio técnico a través dun comunicado que fixo chegar aos medios o club herculino.
Logo de cinco tempadas, Jorge Basanta e o Viaxes Amarelle FSF separan camiños de cara ao vindeiro curso 2023-24.
Desde as redes sociais do club ponse en valor á achega de Jorge Basanta ao Viaxes Amarelle FSF nestes cinco anos. Campioas de Segundo, ascenso a Primeira en dúas ocasións. Permanencia na elite, semifinais da Copa Galicia e alcanzar os oitavos de final na Copa da Raíña son algúns dos fitos que salientan na etapa de Basanta á fronte do banco laranxa.
🙏🧡😢 MIL GRAZAS JORGE BASANTA ‼️
Despois de cinco tempadas crecendo xuntos, @JorgeGBasanta e o @amarellefsf separan camiños de cara a tempada 23-24#futsalFemenino #PrimeraFederación #vamosNaranjas
👉 máis info en https://t.co/5W5YuJFBTY pic.twitter.com/DwXFXFJdyw
— Viaxes Amarelle FSF (@amarellefsf) July 13, 2023
Tamén se publica a despedida do adestrador na que Jorge Basanta di:
Familia Amarelle, chegou o momento de dar un paso ao lado para que sigades a medrar.
Foron cinco tempadas inolvidables cheas de aprendizaxes nas que nunca desistimos do noso obxectivo. Síntome un privilexiado por poder vivir tantos momentos ao voso carón.
Grazas a toda a directiva pola confianza depositada en min, e por darme a liberdade necesaria para traballar e por crer sempre que o camiño era o indicado.
Grazas a todos e cada un dos membros do staff que nestes anos me tendes demostrado a vosa profesionalidade, compromiso e lealdade. Sen vós isto non tería sido posibile. Lévome o máis importante, a vosa amizade.
Grazas a todas as xogadoras por crer neste proxecto, por superarse e polo voso traballo diario. Son un afortunado por ter vivido todos e a cada un dos momentos ao voso lado.
Grazas a toda a xente que axuda e est ehulide club, á afección e as compañeiras e compañeiros doutros equipos que sempre tivéchedes un cariño especial polo noso equipo.
Aquí estarei sempre que me necesitedes
Amarelle, o teu legado continúa
Quen substituirá a Jorge Basanta?
Desde a entidade coruñesa non se desvela o nome da persoa que ocupará o cargo de adestrador/a no primeiro equipo. Podería ser unha persoa allea á entidade ou tamén podería ser o caso de que estivese xa dentro do organigrama laranxa. Non hai que perder de vista o feito de que o Viaxes Amarelle FSF dispón dun equipo técnico amplo e de recoñecido prestixo no futsalfem.
Desde As Nosas queremos agradecer o excelente trato e disposición que sempre amosou para o noso medio Jorge Basanta ao que desexamos a mellor das sortes e estamos certas de que seguirá a sumar éxitos e experiencias gratificantes dentro do fútbol sala feminino.
