Jone Ibáñez Mazo ( Galdakao, Biscaia, 22 de xullo de 1997) será xogadora do Deportivo ABANCA para a Tempada 2021-2022.
A centrocampista vasca procede do Athletic Club, ao que se incorporou en 2012, aos 15 anos, despois de comezar a xogar ao fútbol nas categorías inferiores do Lan Bide FI e do CD Galdakao.
Traxectoria de Jone Ibánez no Athletic Club
No conxunto bilbaíno militou nove tempadas, das que as catro últimas formou parte do primeiro equipo. Con anterioridade, disputou as súas dous primeiros cursos integramente no conxunto B e os tres seguintes alternou aparicións no primeiro e segundo equipo.
Co filial disputou un total 93 encontros, nos que marcou 31 goles. Na primeira formación, coa que debutou o 25 de abril de 2015 nun triunfo branquivermello en Paterna diante o Valencia CF (0-2), acumulou 73 partidos e 2 goles en Primera Iberdrola e outros 5 choques en Copa da Raíña.
Jone Ibáñez foi internacional coa Selección Española Sub-19 en varias convocatorias durante o segundo semestre de 2015, aínda que finalmente non acudiu á fase final do Campionato de Europa de 2016.
