Johanna Puchetti é o novo reforzo do Arxil. O equipo da cidade do Lérez acudiu o mercado de inverno co obxectivo de buscar unha xogadora que permita o plantel da Liga Feminina 2 enderezar o seu irregular rumbo.
Johanna xoga na posición de ala pívot. Foi elixida para reforzar o xogo interior das verdes. “Penso que a nivel competitivo podo aportar un respiro nas rotacións. O equipo non ten un plantel moi amplio e conmigo todas as xogadoras poderán tomarse máis descanso na bancada” comentou a arxentina nun entrevista para As Nosas.
Agora o conxunto dirixido por Maite Méndez contará cunha xogadora máis para suplir as baixas de Natalia, Alex, Mandiara e no seu momento Violeta Crespo. Formou parte durante tres anos do Obras Sanitarias de Bos Aires. Tamén estivo no Ciclista Olímpico e o Talleres de Paraná.
Ademais atopábase sen equipo despois de concluir o seu contrato co Obras Sanitarias. No cal pechou a tempada como unha das máximas anotadoras. Con ofertas para continuar no seu país e tamén en Brasil, a interior decidiu iniciar a súa segunda etapa en España.
Johanna Puchetti: “Veño para conseguir a permanencia na categoría”
Aquí só estivo xogando nun breve período en Badaxoz. Polo que é a súa primeira vez en Galicia: “A xente de aquí é moi cálida. Estou desfrutando moito desta nova experiencia. Tamén é verdade que tanto o club como a directiva desde equipo fixo un gran esforzo para traerme”, apuntou.
O seu obxectivo é enderezar o rumbo e no plano persoal, buscar un oco na selección de Arxentina. “Penso que podo aportar moito no marco ofensivo e intensidade na defensa. Gústame moito ser ofensiva”, dixo sobre ela.
Na Liga Feminina 2, este equipo está nos postos baixos. A tan só tres puntos do pechacancelas da clasificación, o Aedas Homes CB Pozuelo UFV. As de Méndez son duodécimas. “Veño para poder conseguir co equipo a permanencia na categoría. E, sobre todo, lograr a vitoria. Penso que sería un desafogo sair de esos postos”.
Este fin de semana comeza a segunda volta. “Aínda queda moita liga por diante. Polo que se nos esforzamos un pouco de nada podemos alcanzar os primeiros postos. Neste tipo de competicións pode pasar de todo”
As pontevedresas levan sete derrotas seguidas, a pesar de gañar o XXV edición da Cidade de Pontevedra ante o Carmelitas. Este sábado (o 18 de xaneiro, ás 18.30 horas), na xornada 14, enfróntase a un duelo galego. O seu rival, na pista de Navia, será o Celta Zorka Recalvi. “Ogallá que chegue a vitoria neste acontecemento. O necesitamos moito e sería un golpe moi bo”, sinalou Puchetti sobre a cita galega.
Non obstante e sen facer moito fincapé na mala racha, Johanna veu as súas compañeiras con ganas de seguir competindo. “O grupo está moi ben. Temos que seguir apostando no tema ofensivo e sobre todo, no defensivo. O traballo será o fundamental para saír adiante”.
