A á-pivote márchase de Pontevedra deixando unha pegada indeleble. Implicación, agarimo, confianza e traballo son os acenos que deixa tras o seu paso pola cidade do Lérez.
Implicación coa filosofía do CB Arxil
Johanna Puchetti, nacida en Arxentina e internacional coa selección albiceleste, foi unha xogadora indispensable para todos os técnicos que estiveron no club. O seu incansable traballo e dedicación en partidos e adestramentos fixeron de Johanna unha referente para as súas compañeiras e para todos os xogadores de canteira.
A pesar da súa curta estancia no CB Arxil, a súa implicación en todos os niveis co club, o seu bo facer dentro e fóra das canchas e o cariño que regalou nestes dous meses e medio en Pontevedra son aspectos que desde o club queren agradecer.
A nova normativa da competición na que só se permite unha xogadora estranxeira nos planteis de Liga Feminina 2 para a tempada 2020-21, a aposta por parte do club pola renovación de Forster, unido coa necesidade de fichar unha 5 e a praza extracomunitaria ocupada por Johanna, foron claves para a saída da arxentina.
Dende club afirman que lles gustaría que os seus camiños se volvesen a cruzar no futuro, xa que a arxentina sempre atopará en Pontevedra unha familia, unha afección agradecida e un club que sempre a recibirá cos brazos abertos. Do mesmo xeito, deséxanlle toda a sorte do mundo en calquera dos retos que de agora en diante se lle poñan por diante á xogadora sudamericana.
