O entrenador do CD Lugo feminino, Joaquín Blanco, declara que, de cara á conformar o equipo da próxima tempada, primeiro buscarán “xogadoras dentro da cidade e da provincia”. Pero admite tamén que aínda non hai unha cantidade suficiente de xogadoras de fútbol para alcanzar un “nivel alto” e seguramente teñan que recorrer ao mercado de fóra.
Así o explicou hoxe en rolda de prensa ante os medios tras coñecerse o ascenso a Primeira División Galega. Na súa intervención, Blanco sinalou que a noticia recibiuse “con moita alegría” despois dunhas semanas cheas de incerteza. Asegura ademáis que as xogadoras xa están “con gañas de empezar a nova tempada”.
Precisamente o adestrador considera que unha das claves do ascenso foi por unha banda o “cariño” co que o Club Deportivo Lugo acolleu este proxecto, ofrecendo “todas as facilidades”, pero sobre todo cree que “o fundamental foi a ilusión de todas as xogadoras” que se viu reflectivo no seu traballo e sacrificio.
De feito, o equipo impúxose en 18 dos 19 partidos disputados.
De cara á próxima tempada, Joaquín Blanco espera un ano difícil e complicado, en liña cunha categoría superior e lembra que nas “circunsancias actuais” probablemente sexa máis curta: “Seguramente acabará cunha fase de ascenso pola loita dunha soa praza”.
Sobre a posibilidad de seguir ascendendo, o míster é prudente e sinala que ese é sempre un “obxectivo complexo”. “O obxectivo é ser cada vez máis competitivos e poñeremos os medios para mellorar tanto as chicas que temos agora como as que poidan incorporarse para estar o máis arriba posible na clasificación a tempada que vén”, declarou en rolda de prensa o técnico.
Joaquín Blanco, adestrador do CD Lugo feminino: “O obxectivo é ser o máis competitivas posible”
De feito, Joaquín Blanco falou tamén dos obxectivos a longo prazo e admitiu que quere que o Club Deportivo Lugo feminino sexa un referente en Galicia. “Iso leva unha gran responsabilidade e un esforzo co paso dos anos”, sinalou e insiste en que o obxectivo é ser “o máis competitivos posibles” para acadar ese reto a longo prazo.
O adestrador explica que o equipo acaba de nacer e que, polo tanto, ten tempo de ir medrando. “Os que estamos ao redor temos que coidalo e mimalo para que alcance unha madurez que nos permita estár na elite e manterse, que é o complicado”, declarou.
Preguntado sobre como definiría ás xogadoras, Blanco fala de que é o Club Deportivo Lugo femenino é un equipo “moi novo” e iso implica unha “gran ilusión con moitas gañas de aprender e mellorar”.
Joaquín Blanco, adestrador do CD Lugo feminino: “É un grupo de chicas moi peleón, traballador e cabezón que se propón cousas e as persegue e pelea ata que as consegue”
“É un grupo de chicas moi peleón, traballador e cabezón que se propón cousas e as persegue e pelea ata que as consegue”, responde orgulloso sobre as súas xogadoras.
Fútbol feminino, espectáculo asegurado, di Joaquín Blanco
O adestrador do equipo feminino do CD Lugo falou tamén da situación do fútbol feminino en xeral e mostrouse convencido de que a súa profesionalización chegará antes ou despois.
“Iso vai ocorrer porque as chicas van ofrecer un gran espectáculo e os afeccionados, todos aos que nos gusta o fútbol, imos xerar esa demanda que vai facer que o fútbol feminino sexa profesional”, afirma e engade que hai que “demostrar que somos capaces de atraer xente aos campos”.
Joaquín Blanco, adestrador do CD Lugo feminino: “Todos aos que nos gusta o fútbol, imos xerar esa demanda que vai facer que o fútbol feminino sexa profesional”
O míster das albivermellas sinalou tamén que unha das palabras que máis lle gusta é precisamente fútbolista porque non diferencia entre xéneros, senón que fala dunha persoa sexa home ou muller á que “lle gusta xogar e estar nun campo de fútbol, que vai dar todo pola afección”.
Neste sentido, Joaquín Blanco cree que no fútbol feminino “o espectáculo está asegurado” e que o interese irá en aumento. Blanco considera que “o traballo, esforzo, intensidade dun partido e a emoción dos minutos finais dun campionato” son os mesmos en ambas categorías.
Joaquín Blanco, adestrador do CD Lugo feminino: “No fútbol feminino o espectáculo está asegurado”
O técnico mostrouse tamén “moi contento” pola aposta concreta do CD Lugo polo fútbol feminino. “Era algo que xa fai anos quería que sucedera”, confesa e móstrase convencido de que “como máximo exponente do fúbtol na provincia” esta decisión fará que moitas nenas se acerquen a este deporte.
Podes ver al rolda de prensa ao completo na seguinte ligazón:
