O Atlético Guardés estreará preparador físico na vindeira tempada. Joao Mesquita incorpórase ao club galego, formando parte do corpo técnico do primeiro equipo, xunto a José I. Prades e Abel González. O portugués ocupa a mesma posición que na Selección lusa sub19 e compatibilizará ambos roles.
“Estou ansioso por integrarme neste fabuloso proxecto”, declarou Mesquita. O preparador está moi motivado cara a seguinte campaña, na que dirixirá o plan físico de posta a punto do plantel, para chegar ao inicio ligueiro en perfecto estado. “Estou moi feliz de poder representar ao Guardés“, engadiu.
Segundo apunta o club do Baixo Miño, o preparador estivo ligado ao deporte desde pequeno como practicante de fútbol, natación e disciplinas de artes marciais. Como preparador, exerceu de adestrador persoal de deportistas de diferentes modalidades e graduouse na Universidad de Maia (ISMAI).
