- A xogadora do o CV Arenal Emevé, Jimena Fernández Gayoso, salientaba ao final do choque conta o Avarca Menorca Club Voleibol Ciutadella que ata as “máis pequenas, as que veñen de canteira, poden aportar” neste bloque
Jimena Fernández Gayoso remataría o partido como máxima anotadora do partido cun total de 27 puntos na súa conta particular e como MVP do encontro.
Ao final do choque declaraba na canle de YouTube do CV Arenal Emevé que estaba a “procesar sobre todo ter empezado así a Liga con tanto nivel, a bancada chea… Teño moita fachenda e imos tentar que esta sexa a liña que continúe o equipo (sen tanto infarto)”.
Ao respecto de como o equipo se repuxo diante das baixas e do papel xogado polas deportistas da canteira, Jimena Fernández Gayoso explicaba que a lesión de Marcella foi no último adestramento. “Todo o que traballamos na semana, da igual a idade, ou os minutos que teñas… Ao final, sae. Incluso as máis pequenas, as que veñen de canteira, poden aportar”, afirmaba a xogadora do CV Arenal Emevé.
O adestrador das loitadoras Manuel Blanco: “Para empezar, non está mal”
Manuel Blanco, adestrador das loitadoras admitía: “Non se pode comenzar mellor. Estou contento polas xogadoras. O traballo e o sacrificio fará que vaiamos afianzando moi ben o noso xogo. As xogadoras que entraron polas lesionadas comportáronse. Temos un banco amplo. Velas cada semana loitar por un posto, e vas vendo medrar o nivel”.
Sobre o partido explicaba: “Avarca Menorca plantexou un xogo moi serio. Menorca non che da marxe de erro. Vai rematar xogando moi ben. Teñen xogadoras experimentadas. Coñecen moi ben a Liga. Tivemos un baixón de intensidade. Arrincamos o terceiro e cuarto set con erros e iso obligounos na concentración. Para empezar non está mal. É importante que estén convencidas en pechar os partidos que temos controlados como o de hoxe”.
As Loitadoras do CV Arenal Emevé vencen no ‘tie break’ ao Avarca Menorca (3-2)
