A xogadora do CV Arenal Emevé Jimena F. Gayoso foi seleccionada esta semana como a mellor atacante e máxima anotadora da 14ª xornada na Liga Iberdrola de Volei. A deportista do conxunto lucense era así incluída no sete ideal da máxima categoría do voleibol estatal.
Nese partido Jimena F. Gayoso anotaba 25 puntos, un deles directo e dous de bloqueo, tal e como recollen as estatísticas do encontro.
Outra das deportistas do do CV Arenal Emevé que tivo unha gran actuación individual foi Carolina Camino que se colocaba entre as mellores sacadoras e tamén no grupo de máximas anotadoras.
As loitadoras do CV Arenal Emevé están a ofrecer unha gran versión sobre a cancha. No seu último partido, as lucenses vencían ao Depol Feel Alcobendas con tanteos de 21-25, 25-15, 25-14 e 25-20. Foi a segunda vitoria consecutiva das galegas con Charly Carreño á fronte do banco.
Ver esta publicación en Instagram
A MVP da xornada na Liga Iberdrola de volei foi a central do CV Hidramar Gran Canaria Laura Suárez, tal e como informa a RFEVB. A cubana fixo un partido impecable ante o CV Sayre CC La Ballena. Un duelo entre conxuntos canarios no que Laura Suárez anotou 18 puntos. Na súa lista de méritos para ser seleccionada como MVP ha 3 bloqueos, cun 83% de eficacia no ataque.
#LOITADORAS ❤️💙🏐💪 pic.twitter.com/cffNxPgiNK
— Arenal Emevé (@cvemevelugo) January 16, 2023
No sete ideal está tamén outra xogadora do CV Hidramar Gran Canaria, Mª Alejandra Álvarez del Burgo, como colocadora. A lista conta con dúas deportistas do Avarca de Menorca: Amelia Portero, como receptora, e Patricia Rodríguez, como líbero. Do DSV CV Sant Cugat entra no septeto ideal como receptora Zoí Mavrommatis, e do CV Tenerife Libby’s La Laguna, Meg Wolowicz. A todas elas súmase a deportista coruñesa Jimena F. Gayoso que xoga como opuesta no CV Arenal Emevé.
O CV Arenal Emevé repite triunfo con Charly Carreño no banco (3-1)
