Segundo informou o Club Balonmán Atlético Guardés Jesús López dimite como presidente do club miñoto.
Esta decisión chega, en palabras do xa expresidente, motivada por unha serie de circunstancias entre as que destacan a perda do patrocinio principal de Mecalia e “a falta de apoios institucionais abondo para afrontar con garantías os retos presentes e futuros da nosa entidade”.
Ver esta publicación en Instagram
O expresidente, Jesús López, fai un chamado
Jesús López chama a que unha nova dirección tome os mandos e agradece a tódolos colectivos que forman parte do Club Balonmán Atlético Guardés por estes anos, con especial mención a José Manuel Silva de Mecalia por un apoio fundamental que permitiu “acadar obxectivos que doutro modo serían imposibles” e que deixou “unha pegada imborrable” na historia do Club Balonmán Atlético Guardés .
Explican desde as redes do club que nos vindeiros días “convocarase a toda a afección e masa social a unha xuntanza informativa para coñecer a fondo a situación e os seguintes pasos”.
Mecalia deixa de patrocinar ao Atlético Guardés despois de 18 anos
