A tenista pontevedresa Jéssica Bouzas está coa Selección Española MAPFRE feminina en Praga exercendo de sparring das súas compañeiras. O equipo español prepara as rinais da rebautizada Billie Jean King Cup (BJKC), antes Copa Federación e Copa Fed. Os partidos están previstos para a vindeira semana, en concreto do 1 ao 6 de novembro no O2 Arena da capital checa, segundo informa a Real Federación Española de Tenis (RFET).
España debutará o luns 1 de xaneiro contra Eslovaquia a partir das 17 horas na pista uno, e dous días máis tarde medirase a Estados Unidos, xa na pista central, dentro do Grupo C da competición.
📸 #BJKCup Primer entreno 🇪🇸, en imágenes@sara_sorribes @NuriaParrizas @anabelmedina #VamosEspaña pic.twitter.com/pLPNzrLL21
— Tenis España (@RFETenis) October 26, 2021
Jéssica Bouzas, con 19, adestra así coa Selección Española
Na convocatoria están xogadoras como Sara Sorribes, Nuria Párrizas, Carla Suárez e Rebeka Masárová. Non acude desta volta Aliona Bolsova que está a disputar o torneo WTA 250 de Courmayeur, en Italia. Como informan desde a RFET acompaña ao equipo estatal a tenista pontevedresa de 19 anos Jéssica Bouzas, que fará as funcións de sparring. A capitá española é Anabel Medina.
O sistema de competición desta fase da BJKC
Cada eliminatoria disputarase ao mellor de 3 partidos: 2 individuais e un dobres. O conxunto gañador de cada grupo clasificarase para as semifinais nas que se enfrontarán A contra C e B contra D.
No Grupo A estarán Francia, Rusia e Canadá; no Grupo B xogarán Australia, Bielorrusia e Bélxica; e no Grupo D competirán a República Checa, Alemaña e Suíza.
Os dous países finalistas clasificaranse directamente para a fase final da BJKC do próximo ano, mentres que os clasificados entre o 3º e 10º posto terán que xogar a fase de clasificación Qualifiers. Os que ocupen os postos 11º e 12º descenderán ao Grupo Mundial II.
