A galega Jessica Bouzas competiu no Torneo Internacional W25 Torino caendo finalmente eliminada nas semifinais.
A tenista superou a fase previa vencendo á italiana Camila Gennaro 3-6 7-6(3) [10-3] e á austríaca Alana Parnaby por 6-3 6-2.
No cadro principal, Jessica Bouzas avanzou ata a segunda rolda impoñéndose por 6-1 7-5 a Bárbara Gatica (CHI). A continuación, derrotou á italiana Lucrezia Stefanini 6-2 2-0 Ret. e nos cuartos de final eliminou á favorita, a suíza Susan Bandecchi, cun 6-3 6-4.
Finalmente, en semifinais a nosa deportista xa non foi quen de superar á súa rival. Tal e como explican desde a Federación Galega de Tenis, a galega caeu ante a francesa Diane Parry, quen finalmente resultou campioa do torneo.
