A galega Jessica Bouzas participou no Torneo W25 Manacor, celebrado na Academia de Rafa Nadal. Alí, a tenista de Vilagarcía caeu derrotada xa nas semifinais, competindo ante a francesa Elsa Jacquemot.
Bouzas comezou a competición eliminando na fase previa a Cristina Díaz, cun dobre 6-1, a Jordina Cegarra repetindo marcador e a Angelina Wirges cun 6-3 e 6-4.
Xa no cadro principal, a galega impúxose a Julia Middendorf cun 7-5, 6-1. En oitavos, foi quen de superar a Camilla Rosatello, cun 6-4, 7-6 (6) e nos cuartos derrotou a Giulia Gatto-Monticone cun dobre 6-4, tal e como apunta a Federación Galega de Tenis.
A primeira derrota de Jessica Bouzas chegaría ás portas da final, cando Elsa Jacquemot foi superior a ela, vencendo cun 6-3, 6-2. A vencedora final do W25 Manacor sería a española Andrea Lázaro, quen se impuxo na final a Jacquemot.
