Por terceira vez na súa traxectoria deportiva, , Jessica Bouzas Maneiro xogará a terceira rolda dun Grand Slam, será a primeira ocasión no Roland Garros parisino. A tenista galega impúxose a estadounidense Robin Montgomery en 2:09 horas de partido cun tanteo de 4-6, 6-4 e 5-7.
Se no seu debut no Roland Garros Jessica Bouzas Maneiro pasáballe por encima á norteamericana Emma Navarro, á que se impuxo en menos dunha hora e cunha rotundidade impropia dun partido dunha tenista que ocupaba o posto 68.ª do ránking fronte á número 9 (6-0 e 6-1), no segundo cruce sobre a terra parisina a de Vilagarcía de Arousa tiña que loitar moito máis para acceder á terceira rolda. Pero conseguiuno. Jessica Bouzas gañaba por 4-6, 6-4 e 5-7 a Robin Montgomery (115 do ránking WTA).
A tenista galega tivo que remontar no segundo set un marcador adverso no que chegou a estar 1-4 abaixo e 0-30. Todo semellaba perdido para a deportista pero foi quen de darlle a volta ao marcador facendo cinco xogos dunha tacada. Aí é nada! O segundo set pasaba así dun 1-4 ao o definitivo 6-4 que daría chanzo Jessica Bouzas para poñerlle a puntilla ao encontro no terceiro set cun tanteo de 5-7 que le outorgaba a vitoria no partido.
BOUZAS PIDE PASO 🇪🇸🇪🇸🇪🇸
La tenista española se impone en tres sets a Robin Montgomery y se medirá a Hailey Baptiste en tercera ronda.
🔗 Lo has visto en @Eurosport_ES y @StreamMaxES. #RolandGarros pic.twitter.com/2lp68SRzKt
— Eurosport.es (@Eurosport_ES) May 29, 2025
A súa próxima rival volve ser americana, desta volta é Hailey Baptise (n.º 70 do ránking da WTA). Nese enfrontamento a tenista galega buscará acceder aos oitavos de final de Roland Garros.
A estadounidense H. Baptise pasaba a terceira rolda de Roland Garros ao impórse á xaponesa Nao Hibino (n.º 196 da WTA) por un marcador de 6-3 e 6-2. A norteamericana batía á nipona en 1:26 horas.
Será a terceira rival de Estados Unidos que lle toca á galega no seu debut en Roland Garros. O partido terá lugar o sábado 31 de maio.
