A tenista galega Jessica Bouzas Maneiro (Vilagarcía de Arousa, 2002) tivo que despedirse da herba de Wimbledon do peor xeito posible, por lesión. Unha doenza nas costas obrigouna a deixar caer a bóla e poñer rumbo a vestiarios ante a xogadora checa Barbora Krejcikova cando o partido ía 6-0 4-3 a favor da rival da española.
No pudo ser… 🥺
Jessica Bouzas abandona #Wimbledon por problemas físicos en su duelo con Krejcikova. #LaPistaDelTenis pic.twitter.com/00fiqgzfj9
— Tenis en Movistar Plus+ (@MovistarTenis) July 6, 2024
Previamente a de Vilagarcía de Arousa xa tivera que ser atendida polo equipo de fisioterapia, pero non abondou para que puidera continuar o partido. O soño de avanzar unha rolda máis neste Grand Slam esmoreceu. Pero é a primeira vez que Jessica Bouzas Maneiro chega a terceira rolda nesta cita. Un fito que lembrará e que supón un punto importante na súa carreira.
Ver esta publicación en Instagram
Antes dese partido, Jessica Bouzas Maneiro tiña eliminado a Marketa Vondrousova cun tanteo de 6-4 e 6-2. Vondrousova era a vixente gañadora deste torneo británico.
En segunda rolda a galega venceu a española Cristina Bucsa cun tanteo 7-6 (1) e 6-3. Dúas victorias nun Grand Slam. A terceira, non puido ser por mor desa lesión nas costas.
Abofé que o All England Club entrará nos lugares para o recordo na traxectoria deportiva de Jessica Bouzas. É a primeira vez que a tenista de Vilagarcía de Arousa chega á terceira rolda nun Grand Slam e foi nada menos que en Wimbledon. De feito, o pasado ano, en 2023, a tenista de Vilagarcía chegou ao cadro final deste torneo. Tamén era a primeira vez que na súa carreira deportiva superaba a previa dun Grand Slam e chegaba ao cadro final. Así que semella que o tepe de Wimbledon dáselle ben á galega.
O ano de Jessica Bouzas
Sen dúbida o 2024 está a ser o ano de Jessica Bouzas Maneiro. Entrou no top 100 do ránking mundial e amosou o potencial do seu tenis en diferentes torneos. Agora mesmo ocupa o posto 83 de xeito provisional no ránking da WTA.
No Mutua Madrid Open derrotaba en primeira rolda a española Paula Badosa ( 2-6, 6-3 e 6-3).
🎾Juego en blanco, set y partido para la gallega Jéssica Bouzas frente a Paula Badosa.
1º set: Bouzas 2-6 Badosa
2º set: Bouzas 6-3 Badosa
3º set: Bouzas 6-3 Badosa#MMOPEN #MMOPEN24 #TenisRTVE pic.twitter.com/UdL7JkUxdN— Teledeporte (@teledeporte) April 24, 2024
Logo, a galega caería no segundo chanzo do torneo madrileño diante da tenista letona Jelena Ostapenko, número 10 do mundo.
