A xogadora do BAXI Ferrol Jenna Allen foi intervida esta mañá na clínica Quirón da Coruña dunha rotura total do tendón de Aquiles na perna esquerda. A lesión produciuse este sábado aos poucos minutos de comezar o partido que enfrontou na Malata ao club departamental co Ulla Oil Rosalía de Santiago.
Jenna Allen será operada del tendón de Aquiles en el Hospital Quirón de A Coruña.
Finalmente la operación tendrá lugar este domingo a las diez de la mañana. pic.twitter.com/CT7AwOn1Ps
— Baxi Ferrol (@UniFerrol) December 19, 2020
Segundo os informes facilitados polo equipo médico que atendeu a Jenna Allen, a operación foi un éxito. Informan desde o club ferrolá que a “intervención durou ao redor dunha hora e dez minutos e foi relativamente sinxela xa que o corte no tendón foi plano, moi fácil de suturar e nunha zona alta, o cal é bo para a súa recuperación posterior”.
Jenna Allen será baixa varios meses
Tamén segundo traslada o BAXI Ferrol, “nestes momentos, a xogadora americana permanece ingresada na clínica Quirón da Coruña e espérase que mañá luns reciba o alta e póidase trasladar ao seu domicilio. A partir de aí, a recuperación será lenta polo que Jenna Allen non poderá xogar durante algúns meses e perderase o que resta de tempada”.
Desde o BAXI Ferrol trasladan o seu “agradecemento a todos os afeccionados e clubs que nas últimas horas enviaron mensaxes de apoio e mostras de agarimo a Jenna Allen. Ademais, queremos agradecer especialmente o traballo dos servizos médicos do club, do hospital Juan Cardona e da Clínica Quirón da Coruña pola dilixencia á hora de atender e programar a intervención cirúrxica da xogadora americana”.
