O BAXI Ferrol vén de confirmar a renovación da xogadora americana Jenna Allen que cumprirá a súa cuarta tempada no conxunto ferrolá, despois do acordo ao que chegou co club para ampliar o seu contrato.
Na entidade departamental apostan pola calidade da pivote e confían en que sexa un referente no equipo e axude a alcanzar os obxectivos marcados.
A xogadora destaca que se decidiu a continuar no BAXI Ferrol porque “quero devolver ao meu equipo e á miña cidade á Liga Endesa. Ferrol é a miña casa e aquí vou gozar dentro e fóra da pista xuntos”.
Pola súa banda, o técnico, Lino López, comenta sobre os motivos que lle levaron a seguir apostando por Jenna Allen que “despois dunha reunión con ela antes de irse a Estados Unidos, Jenna aceptou a nosa proposta tendo ofertas de Europa e España, de Liga Endesa, do dobre de diñeiro”.
Ademais, o preparador do BAXI Ferrol engade que “Jenna é unha xogadora que será a súa cuarta tempada no club e que por diversas circunstancias aínda non puido ter unha campaña completa (COVID, lesión, fase de recuperación).
“Jenna Allen séntese moi identificada co club”, di Lino López
A tempada pasada o club apostou por ela e decidiuse renovala despois da súa lesión do tendón de Aquiles e iniciouna tendo que dosificar os seus minutos en pista e a súa carga nos entrenos no seu período de recuperación. Estamos seguros que se as lesións respéctana axudaranos moito e será un referente na liga pola súa versatilidade e a súa calidade”.
Lino López tamén valora que “ela sente moi identificada co club, coa cidade, e moi a gusto co equipo e o traballo que aquí facemos, como ela mesma di queda aquí para tentar que o equipo volva á Liga Endesa. É de agradecer a súa implicación, o seu compromiso e a súa profesionalidade connosco”.
Desta forma, Jenna Allen convértese na segunda xogadora confirmada do novo proxecto do BAXI Ferrol para competir na liga Challenge, despois da fichaxe da pivote finlandesa Marianne Kalin”.
O BAXI Ferrol ten aberta a súa campaña de abonados
Desde o club departamental informan de que segue aberta a campaña de abonados para poder renovar ou darse de alta coa intención de manter un número de persoas similar ao da tempada anterior. Polo momento, renovaron o seu abono 178 persoas, mentres que se produciron 14 altas.
Todas as persoas interesadas poden pasarse polo Bar Sur, na rúa Magdalena 50, de luns a sábado de 12.00 a 15.00 e de 19.00 a 22.00 horas. Tamén se poden facer as xestións a través do correo electrónico abonadosuniferrol@gmail.com
