O combinado galego de campo a través tomará parte o domingo en Jaén no Campionato de España de Seleccións Autonómicas que arrincará ca participación das categorías Sub-20 as 10:00 horas e na que tanto Antía Castro do Ourense Atletismo como Carlos López do C.A.Surco serán os primeiros espadas da selección.
Este 104º Campionato de España Individual e por Federacións terá lugar o vindeiro domingo día 30 de xaneiro en Jaén. Na categoría Sub-23 botarase en falta os puntos do campión de España do ano pasado El Medih El Naboaui , que toma parte na competición pero fóra de concurso. Por mor do seu abandono no último campionato galego, El Medih El Naboaui cedía a Said Addoun a única praza de extranxeiro permitida pola RFEA a cada unha das seleccións.
Especial atención nesta categoría aos campións galegos Juan Rejas do Narón e María Cedrón do ADAS Proinor quenes terán a responsabilidade de mellorar os postos logrados no ano pasado.
Regresa Esther Navarrete
A Selección Galega Absoluta de Atletismo pechará este importante campionato donde reaparece con Galicia a internacional Esther Navarrete logo da súa maternidade liderando á unhas galegas na que tanto Laura Santos como Uxía Pérez repiten convocatoria. Moi salientable será a presenza dunha das máis importantes referentes máster galegas da actualidade, María Soledad Castro Soliño, quen volve novamente a unha convocatoria con 55 anos de idade.
Nos homes, a baixa do campión galego Antonio Serrat, minguará ostensiblemente a capacidade do combinado galego quen malia elo terá ao seu mellor home nas mans do subcampión autonómico Esteban Iglesia. Xunto ao lucense, a importante presenza e veteranía tanto de Manuel Hurtado como de Alejo Ares constituirá un puntal importante para as aspiracións galegas.
A primeira vez que Jaén acolle o Campionato de España de campo a través
Tal e como informa a RFEA, trátase do campionato máis antigo de cantos teñen lugar en España xa que comezou a se disputar en 1916 (coa única interrupción entre os anos 1937 e 1939, por razóns obvias). É unha das citas estrelas do calendario nacional ao culminar a temporada de campo a través que inclúe oito probas do World Athletics Cross Country Tour en España.
Por primeira vez na historia, Jaén acolle o Nacional de campo a través, que si tivo noutra ocasión sede en Andalucía. Foi en 1975, en Sevilla, nunha edición que coroaría aos equipos de Madrid (masculino) e Barcelona (feminino), e aos dous atletas máis laureados de sempre no cross español: Mariano Haro (o noveno dos seus 11 títulos) e Carmen Valero (o terceiro de oito). Ademais, é a primeira vez que este evento realízase no mes de xaneiro.
Hai que remontarse ata a primeira edición, celebrada en Madrid (con saída e meta na praza de Colón, algo imposible hoxe), para atopar un campionato próximo en canto a data ao de 2022: aquel tivo lugar o 6 de febreiro de 1916. Xaén recibirá a un total de 541 atletas de 17 federacións autonómicas entre as seis categorías (absoluta, sub23 e sub20 masculina e feminina), o que supón un incremento de participación respecto a os 508 do ano pasado.
Cada federación pode inscribir un máximo de seis atletas por categoría, dos que puntúan os catro primeiros para a clasificación por equipos da seguinte maneira: o primeiro clasificado sumará un punto; o segundo, dous; e así sucesivamente. Resultará gañador o equipo con menos puntos, e en caso de empate impoñerase o conxunto cuxo cuarto atleta conseguise o posto máis alto.
A celebración desta competición estará condicionada á evolución da pandemia do COVID-19, ao estrito cumprimento da normativa vixente no momento da celebración da competición e as directrices establecidas polas autoridades nacionais e internacionais sobre as medidas de prevención, mitigación e protección no referente a minimizar os riscos de contaxio.
O Campionato de España de Campo a través conta co apoio da Federación Andaluza de Atletismo e o Concello de Jaén, e disputarase no circuíto Sebastián Barallas, situado xunto ao campo de fútbol homónimo. O percorrido ten unha lonxitude de 2.000 metros, mentres que a recta de saída é de 100 m e o desvío a meta de 300 m. Ademais, o circuíto presenta unha zona de troncos, dous badenes e tres saltos. A altimetría do circuíto é moderada, aínda que cada volta conclúe cun leve pero prolongada subida.
A primeira das probas deste Campionato de España de Campo a través, a Sub-20 masculina comezará ás 10:00 e sucesivamente iranse sucedendo as diferentes carreiras ao longo da mañá coas Sub-20 feminino, e Sub-23 feminino e Sub-23 masculino ata finalizar coas dúas probas absolutas, primeiro a feminina e despois e para finalizar a masculina.
Todo o Campionato de España de Campo a través poderá seguirse en directo, por Streaming e de maneira gratuíta, a través da plataforma LaLigaSportsTV.
Os horarios de saída e as distancias para percorrer por cada categoría son os seguintes:
Amplía información nestas ligazóns:
ATLETAS INSCRITAS/OS
INFORMACIÓN TÉCNICA
NORMAS REGULADORAS
HISTORIAL DEL CAMPEONATO
