Co inicio desta segunda volta na Liga Guerreras Iberdrola o técnico do Conservas Orbe Rubensa BM Porriño, Ismael Martínez remarcaba a dificultade de medirse ao Motive.Co Gijón: “é un partido dificilísimo contra un rival que está en cuartos de final en competición europea. Vén de facer unhas tempadas excepcionais e este ano non está a ser menos”.
Para Ismael Martínez, o cruce coas asturianas é un partido contra dun “un equipo que evolucionou e mellorou ao longo da primeira volta. Teñen un persoal excepcional” recalcaba o técnico. Tamén destacaba a calidade do seu persoal con xogadoras experimentadas como Marizza ou con xente moi nova como como Laguna ou Carmen Arroyo”.
Cre Ismael Martínez que a clave do partido pasa pola defensa, en especial, na zona do pivote. “Hai que ser profundas e creo que debemos xogar ao ritmo que nos interesa a nós. Ademais de replegar moi ben”.
“Temos que aproveitar que van xogar 3 partidos en 7 días”, di Ismael Martínez
Considera o técnico do Conservas Orbe Rubensa BM Porriñ que o equipo galego que adestra está diante dunha boa oportunidade, debido a que o equipo asturiano leva xogado varios partidos en poucos días “temos que tentar aproveitar que van xogar tres partidos en sete días. Todos chegamos cargados, pero os equipos que seguen en competición europea igual chegan cun pouco máis de fatiga”.
“Esperamos poder seguir dando alegrías á nosa xente e seguir vivindo este soño, pero sobre todo gozar moito o camiño” concluía Ismael Martínez, segundo informa o BM Porriño.