As valoracións para o derbi galego na Liga Guerreras de balonmán non quedaron só na man de José I. Prades. Isma Martínez, o adestrador do Conservas Orbe Porriño tamén quixo deixar a súa visión de cara o primeiro encontro galego desta tempada.
Galego, máis concretamente de Cangas do Morrazo, é a súa segunda etapa no clube de Porriño. Estivo durante nove anos levanto a base, é dicir, as categorías máis xóvenes que o compaxinaba con ser segundo adestrador. Marchou durante tres anos o Acanor Novas. Co equipo pontevedrés subiu e mantivo o equipo en plata. Este ano volveu a Porriño para ser o primeiro adestrador do equipo.
– As Nosas: Vides de perder por un gol ante o Rincon Fertilidad Málaga. Como está o equipo cara este duelo galego?
Isma Martínez: O meu plantel chega moi ilusionado e con moitas ganas. Gustaríanos chegar con algún punto máis pero estamos moi contentos e moi satisfeitos do traballo das xogadoras e das sensacións de como están chegando.
– As Nosas: Esta tempada estades a sufrir co tema das baixas. Cales tedes para este partido?
Isma Martínez: Como o resto das semanas, seguen de baixa por longa duración Érika e Sarai. Tamén temos a Soraia saíndo dunha escordedura de nocello que por iso xa non xogou en Málaga e esperemos que poida aportar algo. Fátima Suárez está cun proceso vírico e é posible que non poida participar tampouco. Espero non ter ningún susto máis nos últimos adestramentos.
– As Nosas: O Guardés é terceiro na Guerreiras e empatou a semana anterior ante o Liberbank. É un rival forte?
Isma Martínez: Sí son terceiras en liga e é un rival duro que está chamado a estar nos postos de arriba. Xestiona moi ben os finais dos partidos xa que todos os que teñen igualados estanos sacando adiante. Cousa que nós non estamos facendo e quizás é un punto para entender a clasificación xeral.
– As Nosas: Xogades na casa, en Porriño. Que temedes do Guardés?
Isma Martínez: Do Guardés destacaría que está competindo moi ben e como dixen antes está xestionando moi ben os finais de partido. Se tivéramos que destacar individualmente, Carmen Campos está facendo unha tempada excepcional. É unha xogadora vital para elas. Teremos que controlar moito o seu ritmo de xogo e intentar levar o partido ao noso cauce.
– As Nosas: Nos dous encontros na tempada anterior, o Guardés saiu vitorioso nos dos. Racharedes como mala racha dos desbis galegos?
Isma Martínez: Sí a verdade que a tempada pasada elas leváronse os dous derbis. Leva habendo un tempo que estar a ser así. Esta nova esperemos cambiar esa dinámica porque nós temos que sumar de dous en dous e chegamos con moita ilusión para facelo.
– As Nosas: Sodes novenas na clasificación xeral. A pesar de iso seguides con moita garra nos partidos. Cal dirías que é a peza clave?
Isma Martínez: Estamos novenas na clasificación empatados a puntos coas oitavas. Non nos rendimos porque temos un obxectivo clave que é competir contra todos os equipos é o estamos a facer. Temos un mes de xaneiro clave no que nos enfrontamos ao derbi e a ida da copa da Raíña. Logo dous partidos contra Alcobendas e Zubileta Zuazo que aínda que son fóra da casa son contra rivais da zona baixa e temos que saír adiante.
– As Nosas: A punto de rematar a primeira volta, que obxetivo ponse en mente o Porriño para a segunda volta?
Isma Martínez: Na segunda volta esperamos sumar moitos máis puntos. Temos un calendario moito máis frutífero e recibimos a xente da zona media e baixa na casa. Realmente todos os equipos estanse facendo fortes na súa pista. Nos ata agora levamos catro partidos e dous deles foron contra os favoritos á levarse o título.
