O VigoBikeContest celebrouse na parroquia olívica de Saiáns coa participación de catro ciclistas femininas, que competiron en categoría cadete, elite e máster30. Na categoría raíña Isabel Castro proclamouse campioa.
Na proba elite competiron a metade destas ciclistas. Nela, Castro, do Condado Bike, cun tempo de 0:22:03.522. Na segunda posición quedou Gemma Chapela, do VK Bikes, só uns segundos por detrás, cunha marca de 0:22:51.124.
En cadete, a única participante foi Lucía Piñeira, do Pontebike, quen rematou a proba en 0:15:32.989. Por último, en máster 30, Estefanía Cabarcos, do Rocasport-Giant, tamén foi a única competidora da categoría, e finalizou o circuíto nun total de 0:21:04.141.
O circuíto do VigoBikeContest
O escenario habitual de Coruxo non acolleu desta vez a proba do VigoBikeContest, polo que a organización do evento, liderada polo Singletrack Outdoor Sports, cambiou as probas ao percorrido por Saiáns. Un circuíto que puxo a proba a resistencia e habilidade dos case 200 participantes, con tres treitos moi físicos, facendo dúas pasadas polo segundo e o terceiro apra completar a tarxeta de cinco sectores cronometrados, nos uqe a calor converteu a habitual terra mollada en po e area.
Nas competicións masculinas, Nicolás Carrera foi o protagonista das probas, proclamándose campión en sub23, como xa fixera no torneo estatal celebrado en Mugardos. En máster50, o vencedor tras unha axustada carreira foi Adolfo Gallego, mentres que en máster40 José Manuel López foi o mellor clasificado. Santos Lemos tamén venceu en categoría máster, pero na proba 30.
En júnior o campión foi Anxo Carril impoñéndose con claridade ante os seus competidores. En elite a vitoria foi para Mauro González e o gañador daete foi Danny Jan Buba.
