Con 17 anos, a cullerdense Isa Rodríguez proclamouse campioa de Europa de rugby, coas Leoas 7s M18. A deportista galega milita no CRAT A Coruña desde 2021.
A Selección Española feminina de rugby Seven M18 acadou o ouro no Campionato de Europa cunha galega nas súas filas. Trátase da xogadora cullerdense do CRAT A Coruña Isa Rodríguez. A competición tivo lugar en Bourgoin-Jallieu, Francia.
Europa 7s U18 2025
Las #Leonas7sM18 vencen a @francerugby en la final (17-28) y se proclaman campeonas de Europa de la categorías. #LoQueNosUne pic.twitter.com/kG5FJ5RQkf
— España Rugby (@ferugby) July 13, 2025
As Leoas7s M18 melloraron a segunda posición da tempada pasada logrando o pleno de vitorias e levándose o Europeo.
O Campionato de Europa feminino de rugby Seven M18 disputouse en formato de liga. España competía contra outros seis combinados estatais. “As Leoas 7s impuxéronse con claridade contando os seus partidos por vitorias e cunha diferenza de puntos de 155”, segundo relatan desde a Federación Española de Rugby.
O equipo español, que adestran Bàrbara Pla e Perico Martín, impúxose ao longo da competición de con comodidade a Polonia, Bélxica e Alemaña, a quen derrotou sen encaixar ningún punto, e tivo que empregarse a fondo para impoñerse a República Checa, a quen derrotou onte 26-17, e a Francia no último partido do Rugby Europe U18 7s Championship, co cordón europeo en xogo, por un claro 17-31.
¡Seguimos! 🦁🇪🇸 #LoQueNosUne | #Leonas7s
📹 Mario Sitges pic.twitter.com/XfwpQ5XdGg
— España Rugby (@ferugby) June 28, 2025
Explican desde as redes do Concello de Culleredo que no caso desta xogadora galega “o cariño por este deporte, o adestramento diario e o traballo dos/as adestradores/as do club coruñés e da Federación, levouna a formar parte da selección española feminina, Leoas 7s M18, e a competir no Campionato Europeo M18”.
Ver esta publicación en Instagram
Isa Rodríguez: “No rugby o equipo éo todo”
Tamén contan que na súa familia xa “se practicaba rugby, a adestradora da selección feminina galega, Vanesa Rial, e a primeira adestradora de Isa Rodríguez, Mariana Romero, foron os seus exemplos a seguir para iniciarse e continuar no rugby”.
Isa Rodríguez: “Animo ás rapazas que xogan ao rugby a seguir adestrando, divertíndose e formando equipo, porque no rugby o equipo éo todo”
Isa Rodríguez anima ás rapazas que practican o rugby a seguir “adestrando, divertíndose e formando equipo, porque no rugby o equipo éo todo”.
Desde o Concello de Culleredo felicitaron á xogadora polo éxito continental
FEDERACIÓN ANDALUZA
- Daniela GARCÍA – Marbella RC
FEDERACIÓN GALLEGA
- Isa RODRÍGUEZ – CRAT A Coruña
FEDERACIÓN MADRID
- Carlota CAICOYA – Silicius Majadahonda
- Irene SIMÓN – Complutense Cisneros
FEDERACIÓN VALENCIA
- Amaia SAINZ – CAU Valencia
- Carmen NWATU – CAU Valencia
FEDERACIÓN CATALANA
- Leire AGUILAR – UE Santboiana
- Martina CAMPOY – Barça Rugbi
- Berta GIMENO – CR Sant Cugat
- Lara COOK – CR Sant Cugat
- Arán FARRÀS – INEF Lleida
FEDERACIÓN VASCA
- June LARRAÑAGA – Getxo RT
- Irati CLAVERO – Gaztedi RT
FEDERACIÓN CASTILLA Y LEÓN
- Ángela DIEZ – CR El Salvador
- CORPO TÉCNICO
- Bárbara PLA – Seleccionadora
- Pedro MARTÍN – Adestrador
- Ana MASA – Delegada
- Casilda GRAIÑO – Fisioterapeuta
