En Pontevedra viviuse a San Silvestre máis silvestre que pechaba días antes da carreira as inscricións en web con 2.092 persoas dispostas a rematar o ano 2021 correndo polas rúas pontevedresas.
A gañadora foi Isa Caeiro en categoría feminina, mentres que na masculina o primeiro en cruzar a meta foi Carlos Porto Pazos.
Ver esta publicación en Instagram
A carreira, ao igual que noutras San Silvestres, optou por saídas en quendas horarias. En total 17 saídas, unha cada 20 minutos con 150 persoas por saída.
Ver esta publicación en Instagram
Por razóns de seguridade a San Silvestre de Pontevedra trasladouse á zona da Xunqueira de Alba. Alí fíxose un circuíto de 2.900 metros. Un chisco máis curto que o habitual, pero abondo para rematar o ano facendo deporte.
A cita, organizada pola Sociedad Gimnástica Pontevedra, contou cunha parte solidaria xa que as persoas que correron a San Silvestre máis silvestre ao recoller os dorsais entregaban un quilogramo de produtos alimenticios non perecedoiros, que se doarán ao Banco de Alimentos e levaban unha camiseta.
Houbo premios para, por exemplo o corredor máis novo que foi, literalmente, un bebé.
Ver esta publicación en Instagram
Tamén, segundo informa a Sociedad Gimnástica de Pontevedra nas súas redes sociais, premiouse á corredora e o corredor de máis idade:
Ver esta publicación en Instagram
Como boa San Silvestre na de Pontevedra o de disfrazase é tamén habitual. Nesta edición de 2021 o premio ao mellor disfraz foi para ‘Belén en ERTE’
Ver esta publicación en Instagram
En todos estos casos o premio foi un lacón de Supermercados Froiz.
Así foi a San Silvestre, máis Silvestre:
Ver esta publicación en Instagram
