Os combinados da Irmandiña de fútbol Sub-5 e Sub-17 volven ao traballo neste arranque de 2022. Segundo informa a Real Federación Galega de Fútbol, as Seleccións Galegas masculinas e femininas de fútbol volverán vestir de curto a próxima semana por primeira vez neste 2022 e co obxectivo de continuar puíndo detalles para as convocatorias definitivas que representarán a Galicia nos diferentes Campionatos de España, aínda sen data e sede confirmadas.
As nosas da irmandiña Sub-15 e Sub-17 adestrarán o martes e o mércores. Os respectivos seleccionadores deron a coñecer as convocatorias para as devantidas sesións preparatorias da próxima semana.
A Selección Galega Sub-15, que adestra Vicky Vázquez, volverá vestir de curto a próxima semana. Será o mércores día 16 no campo de fútbol de A Braña, en Rois. A sesión está programada para as 17 horas.
As futbolistas convocadas para esta sesión de traballo conxunto son as seguintes:
Aportan futbolistas o Orzán SD, CD Nieto, Umia CF, Victoria FC, Victoria CF, UVCD Candeán, UD Mos, Sárdoma CF, SCDyR Narón o Freixo, Porriño Industrial, SD Cacheiras, AJ Lérez, Marcón Atlético e Bergantiños FC.
No caso da Selección Galega Sub-17 feminina, que dirixe Quin Valbuena, a Irmandiña adestrará o martes día 15 a partir das 17.30 horas en Callobre (A Estrada).
As xogadoras convocadas para esta sesión de adestramento coa Irmandiña son as seguintes:
Aportan futbolistas a este bloque os seguintes equipos: Atlético Arousana, EFF Rosalía, Orzán SD, RC Deportivo, UD Mos, UD Ribera, Umia CF, Viajes Interrías FF, Victoria CF e Victoria FC.
Tamén están citados os futbolistas do combinado Sub-14, que dirixe Jesús López, adestrará o próximo martes 15 de febreiro a partir das 16.15 horas no campo de fútbol de A Braña, en Rois. Así como a Selección Galega Sub-16, que prepara David Páez, que regresará ao traballo o martes 15 de febreiro a partir das 17.45 horas no campo de fútbol de A Braña, en Rois.