Que o Deportivo ABANCA está a facer unha gran tempada non se lle escapa a ninguén. Que Peke é unha das xogadoras do momento é indudable. A dianteira vasca acumula 14 goles nas 22 xornadas disputadas de Liga e tan só no mes de febreiro anotou 10 tantos. Dous hat tricks en Liga ante Real Sociedad e Sporting de Huelva e un espectacular póker de goles ante o Valencia, nos oitavos da Copa da Raíña en Riazor.
Por iso hoxe a súa compañeira de equipo, Iris Arnaiz reclamaba un espazo para ela como unha das melloras xogadoras do Dépor, apelando incluso ao propio club a través das redes sociais.
Todo comezaba cando o Dépor publicaba ao redor das 12 da mañá a súa habitual enquisa en Twitter sobre quen fora o mellor xogador do mes de febreiro (#JugadorEstrellaGalicia). Así, os seguidores podían elexir entre o dianteiro Víctor Mollejo, os defensas Eneko Bóveda e Mujaid Sadick e o mediapunta Ager Aketxe.
Foi entón cando a centrocampista e unha das capitás do Deportivo ABANCA poñía sobre a mesa o nome dunha muller. Propoñía como mellor futbolista deportivista do mes ás súa compañeira Ainize Barea, Peke.
— Iris Arnaiz (@IrisArnaiz) March 2, 2020
Este sinxelo tuit da xogadora asturiana, só co nome de @ainizebarea, mobilizou ás seareiras do Dépor ABANCA que rapidamente sumáronse á reclamación dun espazo propio para á xogadora e dianteira do momento. Ata 31 retuits e 159 me gustas acadou a publicación de Iris en só unhas horas. Unha chamada que foi escoitada pola afección.
E aínda que ninguén pon en dúbida o bo facer dos xogadores do primeiro equipo masculino, parece que pouco a pouco hai que abrir o abano e poñer tamén foco nas xogadoras. Máis cando están a completar unha gran tempada e chamar a atención de todo o fútbol.
E se en vez de ser el, fora ela?
O fútbol feminino está dando grandes pasos cara diante e todos temos que estar á altura. Por iso, e alundindo a esa famosa canción de Alejandro Sanz deberíamos comezar a pensar: Y, ¿si fuera ella?
