O Dépor ABANCA non conseguiu marcar gol ante a SD Eibar, pero como parte positiva, tampouco o conseguiron as rivais. Un empate 0-0 que fai que as branquiazuis deixen de ser colistas, pero pon a permanencia a cuatro puntos de distancia. “Mellor un punto que ningún”, valoraba no postpartido Iris Arnaiz.
A central deportivista quixo quedarse en rolda de prensa coa parte positiva deste partido. Malia admitir que non puideron levar a cabo o plan que tiñan pensado para vecer ás vascas, Iris recalcou que este é “un punto que podemos facer bo o domingo”.
Esta fin de semana as deportivistas enfrontaranse ao Betis, actual farolillo vermello da clasificación, nun encontro que pode ser determinante na apretada loita por non descender.
Iris Arnaiz: “Queremos vernos fóra do descenso o antes posible”
“Queremos vernos fóra do descenso o antes posible”, recordou a futbolista. Durante a maior parte da tempada, o Dépor ABANCA ocupou o último posto, algo que afectou aos ánimos do plantel branquiazul.
Pero o equipo está traballando moito e duramente para revertir a situación e Iris Arnaiz apunta que “vimos con ganas a adestrar e intentemos mellorar pouco a pouco. Penso que se está demostrando a melloría e quedan partidos contra rivais directos que temos que ganar si ou si”.
Segundo apunta a futbolista, o equipo reaccionou tras o partido ante o Granadilla: “Foi un cambio de chip de todas”, expresaba. Nese punto da tempada o plantel deportivista viu “que non podiamos ir a peor e só quedaba mellorar”. A partir dese momento, a intensidade nos adestramentos e nos partidos aumentou.
“Estamos convencidas de que dentro de pouco sairemos de aí abaixo e manteremos a categoría, que é o obxectivo principal”, afirmaba Iris.
Iris Arnaiz: “Estamos convencidas de que dentro de pouco sairemos de aí abaixo e manteremos a categoría, que é o obxectivo principal”
Plan truncado
Parte das claves para saír da zona baixa pasa por evitar quedarse atraás e ser quen de xogar no medio do campo, evitando as bandas “porque estaban mal para xogar xa que estaban húmidas”.
Debido ás condicións climatolóxicas que están afectando á cidade de A Coruña estes últimos días, a herba en Abegondo fixo que o campo estivese “irregular e facíase pesado”. A isto engadiuse o feito de ter que disputar moitos partidos en pouco tempo, que fai que “nos pesen as pernas a todas”.
Porén, renderse non está no vocabulario branquiazul e Iris Arnaiz apuntou qeue “sabiamos ao que se ía adicar o Eibar, pero é verdade que non puidemos facer o plan que tiñamos en mente”.
Un dos obxectivos para puntuar neste encontro pasaba por frear á dianteira visitante Thembi Kgatlana. En palabras da central, a sudafricana é “se non a mellor, das mellores xogadoras que hai agora mesmo na Liga Iberdrola. Manu pediunos que estivesemos atentas a ela”.
Caracterizada pola súa velocidade, Kgatlana foi a única capaz de facer que o balón tocase a rede neste partido. Para sorte das coruñesas, foi tras un fóra de xogo, polo que o tanto non subiu ao marcador.
Durante o resto do partido, a dianteira viuse bastante bloqueada. “É unha xogadora moi rápida e se se xira estás practicamente morta porque é moi difícli alcanzala. Pediunos (por Manu Sánchez) que estivesemos enriba dela, sen que xirase e evitar as contras. Creo que saíu bastante ben, non meteron gol e nos quedamos con iso”, resume Iris.
Iris síntese cómoda como central
Neste partido, como comeza a ser habitual no debuxo de Manu Sánchez é a posición de Iris Arnaiz como central. Isto non é unha novidade para a asturiana, que xa xogou nesta zona na fase de ascenso a Liga Iberdrola.
“Con Esther enténdome moi ben e Ainoa ten calidades de sobra para xogar no medio e creo que está facendo un bo papel, sobre todo despois de todo o tempo que estivo parada”, declarou en relación ás súas compañeiras con este cambio nas posicións.
Sexa como central ou noutra área do céspede, Arnaiz ten claro que o que quere é “xogar. Se Manu considera que teño que xogar aí o farei o mellor posible e intentarei mellorar, sobre todo en defensa. Polo momento xa levamos dous partidos con porteria a 0 que é moi importante”, racalca.
De cara ao que resta de tempada, Iris espera que “as cousas saian ben polo menos a defensa e ver se arriba temos a sorte que tivemos o outro día contra o Santa Teresa, que metimos tres goles pero poderían ter sido moitos máis. Creo que o traballo defensivo está mellorando. Se non te marcan gol, deixas a portería a 0 e se marcas ti tes os 3 puntos, así que pouco a pouco”, remata convencida.
O Dépor ABANCA deixa de ser colista, pero non afianza a permanencia
