Iris Arnaiz chegaba ao Dépor ABANCA no verán do 2017. Esta é a sua cuarta tempada lucindo #AsNosasCores. E neste cuarto curso, a de Gijón pasa a engrosar a lista de centenarias do equipo branquiazul.
Esta mañá de domingo, 2 de maio, na Cidade Deportiva de Abegondo Iris Arnaiz alcanzaba o seu partido 100 en partidos de competicións estatais defendendo a camiseta do RC Deportivo ABANCA. A asturiana súmase a Gaby e Cris Martínez para conformar o trío de centenarias do conxunto coruñés.
A futbolista asturiana (Gijón, 18/05/1994) iniciaba a súa traxectoria deportiva no Langreo (2009-2010), logo xogou do 2010 ao 2017 no Oviedo Moderno, para finalmente, no verán dese ano 2017 aterrar nas filas deportivistas. Desde entón, a centrocampista foi quen de acumular este cento de encontros xogados vestindo o branquiazul.
Os 100 partidos de Iris Arnaiz
Segundo informa o RC Deportivo, nestas catro tempadas, Iris ten disputado 45 partidos en Primera Iberdrola, 49 en Segunda División Nacional, 4 da promoción de ascenso á máxima categoría e dous de Copa da Raíña. En total: 100 partidos.
En capilla está Peke que tamén hoxe, ante o Madrid CFF chegaba aos 99 encontros oficiais. Así que todo apunta a que ese trío de centenarias en nadiña pasará a ser un póker de ases branquiazuis integradro por Gaby, Cris, Iris e Peke.
Quen dixo medo? O Dépor ABANCA prántalle cara ao Madrid CFF vencendo 3-0
