A grovense Irene Sánchez milita actualmente nas filas do Salud Tenerife e é unha gardamallas que con tan só 16 anos abandonou a súa Galicia natal para xogar ao balonmano en Castellón. A galega considérase unha porteira ambiciosa, autoesixente, simpática, alegre… ela como ela mesmo di, “un pouco tola”.
Así foi a entrevista de Irene Sánchez para a Federación Galega de Balonmán, na sección de balonmán de lonxe, onde recoñece que unha das cousas que máis bota de menos de Galicia é a súa choiva:
Pregunta: Cando comezaches a xogar ao balonmán?
Resposta: Con 5 ou 6 anos no equipo do pueblo. A miña familia estaba vinculada ao deporte. Meu pai foi porteiro e a miña tía estaba no arbitraxe e nese momento meu tio era porteiro do Rasoeiro do primeiro equipo. Empezei por esa vinculación familiar e por facer deporte.
P: Por que porteira?
R: Cando empezei que era benxamín ou prebenxamín xogábamos en equipos mixtos egustábanme todas as posicións. Logo cando separaron home e mulleres non o pensei moito e decanteime pola portería. Creo que é unha posición arriscada e a mín gústame arriscar. Bueno e tamén por seguir os pasos do meu tío.
Irene Sánchez, xogadora do Salud Tenerife: “A portería creo que é unha posición arriscada e a mín gústame arriscar”.
P: O teu mellor momento no balonmán.
R: Calquer título, calquera competición ou concentración coa Selección tanto autonómica como nacional e sobre todo toda a xente que coñeces grazas a este deporte.
P: E o peor?
R: Sen dúbida foi a rotura de ligamento cruzado e menisco que tiven con 17 anos. Acórdome que estaba sola porque estaba xogando en Castellón no meu segundo ano ali. Non había xente cercano e paseino bastante mal. É certo que alí coidaronme moito e portáronse moi ben pero foi moi duro.
P: Foi duro marchar de Galicia a xogar fóra?
R: Marchei de Galicia con 16 anos para Castellón e a esa edad foi bastante duro. Pensas moito na túa familia e nos teus amigos. Ainda así, foi unha das mellores experiencias que puiden facer.
P: Que é o que máis botas de menos de Galicia?
R: A familia, os amigos e comer algo de marisco ou gastronomía galega. A verdade que en Tenerife non me podo queixar. Hai una boa calidade de vida, tamén hai praia que para mín é moi importante e teñen unha gran gastronomía. (entre risas) A choiva é outra das cousas que boto de menos de Galicia.
Irene Sánchez, xogadora do Salud Tenerife: “A familia, os amigos e comer algo de marisco ou gastronomía galega. A choiva é outra das cousas que boto de menos de Galicia”.
P: Unha xogadora que te gustaría ter como compañeira.
R: Sara Gil é unha moi boa amiga miña e compartín grandes momentos con ela. Ogallá tivera cada ano a Sara Gil no meu equipo, porque é unha persoa moi importante para min.
P: En que club te sentiches máis identificada?
R: Foron moitos pero se me teño que quedar con un sería o Lavadores. Estiven tan só un ano pero tiven a sensación de como se foran 10. Sentime moi identificada coa xente e co club.
P: Cal foi a/o mellor adestrador/a que tiveches?
R: Foi o meu primeiro adestrador, Quito Parada que foi o meu adestrador no Rasoeiro. Tamén gustaríame destacar a Manu Etayo que estiven dous anos no Guardés e foi moi importante para min.
P: Es supersticiosa?
R: A verdade é que non moito. Gústanme nos partidos sobre todo xogar coa mesma camiseta, cos mesmos calcetíns. Son pequenas cousas que me fan sentir mellor e máis protexida.
P: Un soño?
R: Xogar algunha competición importante coa Selección e para mín tamén é moi importante conseguir títulos nos clubs nos que estou.
P: A túa comida e bebida favorita?
R: Lasaña de espicanas da miña nai e bebidas non teño ningunha preferida.
P: Un libro, unha película e unha canción?
R: Non leo moito asi que non podo recomendar un libro. Unha pelíucla, o Caballero Oscuro de Batman e unha canción Proud Mary de Tina Turner, encántame e motívame moito.
P: Como te definirías como xogadora? E como persoa?
R: Como xogadora considerome traballadora e con compromiso. Tamén creo que son unha xogadora ambiciosa, autoesixente e motivadora. Gústame motivar á xente para conseguir o que cada un se propoña. Como persoa considéronme alegre, simpática e un poco tola. Gústame facer rir a xente e que vexan o lado bo das cousas.
Irene Sánchez, xogadora do Salud Tenerife: “Como persoa considéronme alegre, simpática e un poco tola. Gústame facer rir a xente e que vexan o lado bo das cousas”.
