O Campionato de España absoluto de halterofilia remata con Irene Martínez revalidando o seu título de campioa estatal, que acadara na edición pasada na Coruña. A deportista do CH Coruña logrou o ouro en arrancada, a prata en dous tempos e un novo ouro no total olímpico. Na competición do domingo tamén estiveron Alba Santos, que sumou unha prata e un bronce, Vega García e Tania Pose.
O torneo dividiuse en dúas xornadas, sendo a primeira no sábado, coas categorías de 49 kg, 55 kg, 76 kg, 81 kg, 87 kg e + 87 kg para as probas femininas.
Na segunda tanda, a do domingo, as halteras competiron en 45 kg, 59 kg, 64 kg e 71 kg. En total, máis de 200 deportistas citáronse no Paliesportiu Municipal de Molins de Rei (Barcelona), con 107 halteras femininas. O campionato contou cun total de nove halteras galegos na xornada do domingo, na que as deportistas soportaron o sofocante calor das instalacións, sendo mesmo capaces de acadar grandes resultados.
Podios galegos na xornada do domingo
Destes nove deportistas, só tres competiron en categorías femininas, destacando Irene Martínez entre elas.
A deportista do CH Coruña confirmou que é a raíña de España nos 59 kg, proclamándose de novo campioa da competición estatal, como xa fixera na cidade herculina no 2020. A galega levantou 90 kg en arrancada, 101 kg en dous tempos e 191 kg no total olímpico, rematando na segunda posición da clasificación sénior por puntos elite, ao sumar 82.33 puntos. Desta forma, Martínez quedou só por detrás de Atenery Hernández, do ETH.
Tamén participou nos 59 kg a súa compañeira Vega García, quen foi quen de levantar 75 kg en dous tempos, rematando 20ª.
Na segunda xornada da competición, outra galega subiu ao podio nos 45 kg. Alba Santos, do Club Halterofilia Sulyos, foi cuarta en arrancada, con 49 kg, pero colgouse a prata en dous tempos, levantando 62 kg. No total olímpico fixo 111 kg, acadando un total de 58.12 puntos elite, finalizando en terceira posición.
A participación galega rematou con Tania Pose, do mesmo equipo, quen competiu nos 64 kg. A haltera levantou 60 kg en arrancada, 82 kg en dous tempos e 142 kg no total olímpico. Desta forma, finalizou 18ª, 13ª e 17ª respectivamente.
Nas probas masculinas destacaron Martín Liste, cun triplo ouro, David Mata con unha prata e dous bronces e Jacobo Montero cun bronce. Este é o listado de resultados galegos do domingo:
Categoría 73 kgs
Alejandro Mendez CH Coruña 98(16º) 125(15º) 223(16º)
Categoría 81 kgs
Carlos Castro CH Coruña 117(13) 152(8) 269(11)
Categoría 89kgs
Alberto Pensado CH Coruña 112(14º) 135(12º) 247(14º)
Jacobo Montero CH Coruña 126(bronce) 146(5º) 272(4º)
Categoría 96 kgs
David Mata CH Coruña 130(prata) 152(bronce) 282(bronce)
Martin Liste CH Coruña 140(ouro) 170(ouro) 310(ouro)
Categoría 59 kgs
Vega Garcia CH Coruña dos tiempos 75(20ª)
Irene Martinez CH Coruña 90(ouro) 101(prata) 191 (ouro)
Categoría 64 kgs
Tania Pose CH Sulyos 60(18ª) 82(13ª) 142(17ª)
Na clasificación do Campionato Nacional por federacións, a Federación Galega de Halterofilia rematou en quinta posición nas probas femininas, cun total de nove levantadoras. Nas masculinas, o equipo galego foi o cuarto clasificado.
Ademais, ao longo da celebración desta competición establecéronse un total de 10 récords de Galicia, a maior parte deles obtidos polas halteras femininas. Irene Blanco, campioa no seu peso, acadou catro novos récords; Ruth Fuentefría, sétima clasificada, logrou tres récords; e Noelia García sumou outros dous, remantando como quinta na súa proba.
Consulta nesta ligazón o listado completo de resultados femininos.
Podes revivir a segunda xornada do Campionato de España absoluto de halterofilia aquí:
