Irene Martínez, gaña o 24º Trofeo Internacional de Halterofilia Cidade da Coruña

O XXIV Trofeo Internacional de Halterofilia Cidade da Coruña tivo marcado acento coruñés. A campioa en categoría feminina foi Irene Martínez, en masculina o seu compañeiro de club Víctor Castro e por equipos venceu a entidade á que ambos pertencen, o Club Halterofilia Coruña, aínda que nesta ocasión a haltera estaba incorporada á Selección Española

O pavillón dos Rosais da cidade herculina foi o escenario deste trofeo que volvía logo do parón pola pandemia de COVID-19 que impediu a súa disputa o pasado ano.

Participantes no XXIV Trofeo Internacional de Halterofilia Cidade da Coruña / CONCELLO DA CORUÑA

Competiron os siguientes equipos: Alemania, Dinamarca, Eslovenia, Hungría, España, Galicia e o conxunto local, o Club Halterofilia Coruña. Estaba previsto o concurso de Lituania e Gran Bretaña, pero precisamente por motivos vencellados á pandemia por coronavirus, esas dúas seleccións cancelaron a súa participación no acontecemento deportivo.

Irene Martínez competiu coa Selección Española

Dentro da Selección Española estiveron Irene Martínez e Ruth Fuentefría, mentres que na Selección Galega integráronse: Eva Carrera e Amy Abelleira, e finalmente no Club Halterofilia Coruña estaban as halteras Irene Blanco e Noelia García do

O nivel da competición foi alto tal e como se prevía. Proba delo foi a participación do húngaro Peter Nagy, clasificado para os XX.OO. de Toquio 2021 que compite coas cores do C.H. Coruña. No seu país natal, Hungría, fixeron unha competición previa de ámbito estatal para elixir as e os halteras finalmente se desprazarían á Coruña a competir neste trofeo.

🏋️ No XXIV Trofeo Internacional de Halterofilia Cidade da Coruña, triunfos para Irene Martínez, Víctor Castro e, por equipos, o Club Halterofilia Coruña
📷 A concelleira de Deportes, Mónica Martínez, participou na entrega de trofeos desta proba que retransmitiu a @FedGalegaHalt pic.twitter.com/k7ZHdxXGtl
— A Coruña Deportes (@coruna_deportes) July 3, 2021