A haltera galega Irene Martínez, do CH Coruña, fíxose coa terceira praza na Copa de España de halterofilia. A cita tivo lugar no Pavillón Margarita Ramos de León e constituía a 19ª edición desta competición.
Lydia Valentín, que competía en ‘casa’ foi a triunfadora ao levantar un total olímpico de 233kg. A leonesa alzou 103 Kg en arrancada e 130 Kg en dous tempos 279,68 puntos Sinclair). A segunda clasificada foi a canaria Ilia Hernández (259,66 puntos Sinclair).
O terceiro caixón foi para a galega Irene Martínez. Todos os intentos da haltera do CH Coruña (seis) foron válidos. As súas marcas foron de 90 en arrancada 103 en dous tempos e 193 de total olímpico, todo iso cun peso corporal de 60.4 quilogramos. Estas levantadas fixérona acreedora dun total de 259,44 puntos Sinclair e do bronce.
Ver esta publicación en Instagram
As e os quince mellores levantadores segundo o ránking anual da Federación Española de Halterofilia, adquiren o dereito de participar nesta cita. Así, un total de 30 atletas (15 femininos e outros tantos masculinos) tomaron parte na competición.
Galicia estivo representada por un total de 3 deportistas do Club Halterofilia Coruña:
- Irene Martínez Santiago
- Víctor Castro Mariño
- Martín Liste Viaño
Este bronce podería levar a Irene Martínez ao Europeo Absoluto de Moscú
A Copa de España serve á dirección técnica da Federación de España de Halterofilia para seleccionar ás deportistas que poderán tomar parte no vindeiro Campionato de Europa Absoluto que se vai celebrará en Moscú a principios do vindeiro mes de abril.
No que atinxe aos halteras galegos de categoría masculina. Víctor Castro foi quen obtivo a mellor clasificación ao rematar sexto. O galego acadou unhas marcas de 130 Kg en arrancada e 150 Kg en dous tempos e 372.19 puntos Sinclair en función do seu peso corporal que é de 69 quilos.
Antes, xa competira sobre a tarima o seu compañeiro no CH Coruña, Martín Liste, que conta cun peso corporal de 95.8 kg e alcanzou as marcas de 140 kg na modalidade de arrancada, 171 en dous tempos, sumando en total olímpico 311 kg que supuxeron 351.07 puntos Sinclair. Martín rematou en 11º posición a Copa de España.
Este sistema de puntuación relaciona o peso corporal da persoa e a marca conseguida para outorgar unha puntuación final.
CONSULTA AQUÍ OS RESULTADOS COMPLETOS DA COPA DE ESPAÑA DE HALTEROFILIA
