O BAXI Ferrol confirma a súa oitava xogadora para o plantel da LF Endesa. A valenciana Irene Garí seguirá vestindo na seguinte campaña a camiseta do club universitario. “Sabía que o BAXI Ferrol era o meu lugar para seguinte unha tempada máis”, declaraba a baloncestista.
A xogadora foi clave na consecución do ascenso no equipo galego, e de cara ao próximo curso a súa intención é acadar a meta da permanencia co club da cidade departamental. Garí conta xa con experiencia na máxima categoría, na que competiu hai dous anos cando xogaba nas filas do Valencia.
Irene Garí confía plenamente no plantel do BAXI Ferrol e alaba o seu traballo: “Coa confianza que Lino López da ás xogadoras, coa profesionalidade de Sergio Jaurena, que cada día te exprime ao máximo para sacar o teu mellor rendemento físico, e coa experiencia de Sandra Prieto, que fai que todo funcione, sabía que o BAXI Ferrol era o meu lugar para seguir unha tempada máis”.
Cambio de panorama para o BAXI Ferrol cara a seguinte tempada
A alero pensa xa na próxima tempada, e asegura que “quero seguir mellorando e medrar como xogadora e da man deste gran corpo técnico, e coas miñas compañeiras non me cabe dúbida de que vai suceder”.
O panorama mudará moito para as ferrolás no curso 2021/2022, pasando de ser invictas na LF2 a disputar os partidos con algúns dos equipos máis poderosos da liga española. “Somos conscientes de que o orzamento deste ano é moi axustado e o nivel da liga española cada vez está aumentando máis e fai que se convirta nunha das mellores de Europa. O que teño claro é que a traballo, esforzo e humildade non nos vai superar ninguén. Temos que ser moi esixentes no traballo diario, para que cada unha medre como xogadora e que o equipo aproveite eses froitos”, reflexiona a valenciana.
Irene Garí: “O nivel da liga española cada vez está aumentando máis e fai que se convirta nunha das mellores de Europa”
Mensaxe de Irene Garí á afección
A seis do equipo universitario tamén lle envía unha mensaxe á afección, coa que ten “moitas ganas de poder desfrutar da Malata na súa plenitude. Na celebración do ascenso puidemos ver as ganas e a ilusión que a cidade tiña de volver á máxima categoría. Agora só falta que pase o que pase, estean animándonos ata o final, porque lles imos necesitar e moito”.
Desde que llegó hace un año ha demostrado que #SienteElUni. Vamos a por otro año más.
La octava integrante del BAXI Ferrol 2021-22 es… pic.twitter.com/tlTCE0Tbm7
— Baxi Ferrol (@UniFerrol) May 31, 2021
