A alero valenciá Irene Garí estará no BAXI Ferrol a próxima tempada, o que permite ao conxunto departamental conseguir un reforzo de luxo para o seu novo proxecto. A xogadora, de 25 anos e 1,85 metros, provén do Valencia Basket no que estivo as tres últimas campañas. Na primeira en Liga Feminina 2 , onde conseguindo o ascenso, e a última chegando a participar na Eurocup.
“A confianza que Lino transmitiume desde o primeiro momento que soubo que non seguía no Valencia Basket e o proxecto para esta tempada que o club ten para ascender á Liga Feminina Endesa, foron as claves para tomar a decisión” comenta Irene sobre as razóns que lle levan a vir ao Baxi Ferrol , engandindo que “teño moitas ganas de empezar esta nova etapa e creo que imos gozar moito do camiño a próxima campaña”.
Con muchas ganas e ilusión de formar parte de este proyecto y poder disfrutar del camino juntos, que de eso se trata! #GaliciaCalidade #Seguimos😁🏀 https://t.co/SAnGlZB8No
— Irene Gari (@IreneGari) June 14, 2020
O feito de que a xogadora decida baixar á Liga Feminina 2 pode sorprender a moita xente logo de dous anos na Liga Feminina e da súa participación en Eurocup, pero Garí é clara cando destaca que “non o sei e tampouco me preocupa o que pense a xente. Tomei a decisión pensando onde cría que ía ser máis feliz, podendo gozar outra vez xogando ao baloncesto.
Irene Garí, xogadora do Baxi Ferrol: “”Coñezo moito o estilo de xogo de Lino e creo que encaixa ben no meu xeito de xogar”.
En canto ao que pode aportar ao equipo, a deportista valenciá sinala que se considera unha xogadora moi comprometida e implicada, que pode aportar moita intensidade e ritmo ao equipo. “Coñezo moito o estilo de xogo de Lino e creo que encaixa ben no meu xeito de xogar”, engade.
Irene Garí convértese na segunda integrante do plantel do BAXI Ferrol, trala renovación da canaria Patri Cabrera.
