Na previa do partido ante a SD Eibar, Irene Ferreras amósase con “moita ilusión”. Non é para menos. As deportivistas poden arrebatar o liderado as súas rivais e volver a poñerse á fronte da táboa na a Primera Federación. Co obxectivo do ascenso sempre na cabeza, ese posto é o máis desexado por todos os equipos que, como o Dépor ABANCA, aspiran a subir.
De Abegondo, o Dépor ABANCA fixo un fortín, pero o conxunto galego xa empezaba a precisar un triunfo lonxe da casa. Chegou no último encontro de Liga, foi en Lezama ante o Athletic Club B. A adestradora deportivista, Irene Ferreras, recoñecía que o bloque “necesitaba” esa vitoria “por algo máis mental. O equipo fixo bo encontro, todo o que puidemos traballar algo rápido nunha semana complicada puidemos plasmalo no campo. As rapazas quitáronse ese peso de encima”, explicaba a entredora.
Aínda que só levaban dous partidos fóra de casa, “xa estabamos a arrastrar ese lastre. Roto iso, a ver se conseguimos manter a dinámica de vitorias”, declaraba ante os medios na previa do partido coas de Guipúzcoa.
A adestradora deportivista desvela que encara o partido deste sábado 29 de outubro (12:00) en Abegondo ante o líder, a SD Eibar, “con moita ilusión. Sabemos que é xogar contra as primeiras. Neste caso é un rival directo porque vai por diante de nós, porque é un recentemente descendido de Primera División e vendo un pouco a súa traxectoria na competición, é o equipo que ten máis ritmo de xogo, que ten ese nivel competitivo un pouco máis alto ao resto e vainos a esixir o noso máximo”.
Cre que no Dépor ABANCA “temos que ter claro o partido que queremos facer. Imos traballar nas sesións que nos quedan todos os aspectos que nos poidan axudar a ter máis probabilidade de gañar o partido. Imos con esa ilusión e con moitísimas ganas. Xogamos en #ANOSACASA e queremos os 3 puntos”.
No entanto, Irene Ferreras deixa claro que “nós sempre queremos impoñer a nosa idea. A nivel de xogo, se somos capaces de ter o balón, temos recursos para facer dano ao rival (neste caso a SD Eibar). É un rival moi perigoso, ameazante, provócache moitos erros, rouba moito balón en campo contrario porque destaca por unha presión moi intensa, con moitas xogadoras. Van buscar que nós cometamos erros, que desde os seus roubos poidan ter situacións de finalización. Temos que tentar facer un partido o máis limpo posible con balón para xogar máis en campo contrario, controlar esas posibles perdas, esas vixilancias”.
Vaticina Irene Ferreras un partido “con diferentes momentos. Vai haber momentos onde nos toque sufrir máis porque é un equipo que che pode facer dano e empúxache á túa propia portería e vai haber momentos de ter o balón, de atopar espazos, xogadoras libres, de ser verticais…”
Irene Ferreras: “Mentalmente estamos ben”
A pesar da entidade do rival, lembra a adestradora deportivista que o partido “son tres puntos máis. Tampouco imos facer un mundo tanto se conseguimos os tres puntos coma se non. Isto é un camiño longo. O equipo chega preparado en canto a como estamos a competir a nivel táctico. Mentalmente estamos ben. Temos esa ambición de dar ese paso adiante. Non vai ser fácil. Sobre todo hai que mirar o día a día, o paso a paso. Agora é o SD Eibar. Imos tentar sacar os 3 puntos como o fixemos con todos os rivais que pasaron por aquí e a partir de aí mirar cara a adiante”.
Sobre #ANOSAFORZA, Irene Ferreras opina que “se xerou unha maxia especial cada vez que xogamos en casa. Sentímonos moi arroupados. Vexo ás rapazas con esa sensación especial de saber que é un escenario no que séntense cómodas. Ese factor témolo que aproveitar moitísimo sobre todo ante un equipo que vai por diante de nós na clasificación. Estou segura que Abegondo nos vai a dar ese empurronciño que nos faga falta nos momentos comprometidos do partido”.
