Na previa do partido ante o SE AEM, Irene Ferreras, adestradora do Dépor ABANCA , subliñou na sala de prensa de Abegondo “a igualdade é máxima nesta categoría”. O SE AEM é o rival das galegas este domingo 6 de novembro ás 12:00 na Cidade Deportiva de Abegondo.
Segundo explicaba aos medios de comunicación, para a entrenadora deportivista “o máis importante é que sigamos mellorando nas pequenas facetas onde temos máis marxe, e a partir de aí ver a un equipo reconocible, coa súa identidade, tentando estar en campo contrario o máximo tempo posible, sabendo sufrir cando o rival che mete nesas situacións. Non queremos imaxinar un tipo de partido ou outro. Temos que pensar en nós, en dar a nosa mellor versión. Estamos con moita confianza. Vimos dunha boa dinámica, pero calquera rival pódenos complicar se nós non estamos ben”.
A adestradora branquiazul, Irene Ferreras, explica sobre o SE AEM apunta que “ten moito potencial ofensivo. Fai goles sempre ou case sempre e a pesar de non ir nun posto na táboa moi elevado puxo as cousas moi difíciles a todos os equipos que se enfrontaron a elas. Imos tentar sacar os tres puntos”.
Sobre o partido ante a SD Eibar do pasado domingo en Abegondo e que acabou en igualada (1-1), Irene Ferreras apunta que o equipo coruñés viuse “nunha situación que creíamos que podía pasar. Que era un Dépor ABANCA tentando iniciar, tendo máis a pelota, pero é certo que custounos moito conquistar eses espazos. Estabamos moito tempo preto da nosa portería e a sensación era de que elas vivían da súa presión e de que cometeramos algún erro para poder facernos dano. Dinlle voltas a iso. Sempre quero mellorar. O rival plantexou moi bo partido”.
Cre Irene Ferreras que o conxunto vasco “É un equipo fisicamente portentoso, nos duelos individuais son moi gañadoras e aí custounos un pouco. En liñas xerais funme moi satisfeita co partido que fixo o equipo porque houbo momentos para os dous equipos e o Dépor ABANCA estivo todo o tempo presente, con ambición de gañar. Terminamos o partido con ocasións para poder levarnos os tres puntos. Téñome que quedar, máis aló do resultado, coa satisfacción de ver a un equipo bastante feito contra un moi bo rival”.
Irene Ferreras, tranquila tras o partido ante a SD Eibar
A preparadora das branquiazuis di estar tranquila tras a última xornada na que o conxunto galego empataba 1-1 en cancha propia e sufría, por momentos, ante un rival correoso e insistente.
Para Irene Ferreras “o que se viu no campo alimenta o proceso que estamos levando. Sabiamos que ía ser un partido dificilísimo. A SD Eibar está facendo un proxecto para ascender. Non o víamos como unha final ou un partido a vida ou morte. Era un partido máis no que queríamos sumar de tres, pero tamén non perder porque nos permite estar aí arriba”.
Ten claro a adestradora deportivista que “imos perder partidos, pero collemos unha boa dinámica a nivel de rendemento, de imaxe, de sensacións e a iso querémonos agarrar. É significativo que o rival se fose satisfeito co punto e nós coa sensación de poder lograr algo máis. O equipo tamén soubo sufrir. Estamos dando pasos. Van vir situacións de todo tipo na tempada”.
Consultada sobre a aportación de Henar, Irene Ferreras falou dela como unha futbolista con “enerxía, equilibrio, personalidade e forza, pero tamén é moitas outras cousas. Vemos a unha Henar máis táctica, entendendo ben as situacións nas que pode xerar ventaxa. Está medrando como futbolista. Identifícome moito coa súa maneira de ser. É unha guerreira. É o que proxecta ao resto de compañeiras. É unha marabilla traballar con ela. Ten unha predisposición absoluta a medrar e mellorar”.
Ao respecto das xogadoras disponibles, a adestradora do conxunto coruñés explicaba que Letti Sevilla e Carlota Sánchez están aínda en recuperación, pero o resto están á disposición da adestradora madrileña. Por exemplo, estará Laura Fernández que estivo tocada esta semana pero coa que conta a adestradora para o domingo segundo as súas palabras.
