Irene Ferreras non se fía do CD Juan Grande Ginelux por moito que sexa o pechacancelas.
A adestradora do Dépor ABANCA cualificou en rolda de prensa o partido deste domingo 7 de maio en Abegondo (12:00 horas, Youtube RC Deportivo) ante o CD Juan Grande Ginelux como “trampa porque é un equipo que está a competir moi ben, resultados moi axustados…”
Vaticina a técnica do Dépor ABANCA un rival “con moito descaro, con poucos complexos. Vai ser agresivo, vai presionar, a tentar provocarnos algunha situación incómoda no partido e máis aló da clasificación e de entender que xogamos contra o último clasificado e que xa ten a categoría perdida, temos que enfocalo desde entender ben os momentos do partido, de interpretar ben o que toca en cada momento porque iso é o que nos vai a dar soltura, o que nos vai a permitir atoparnos, ir crecendo e mostrar unha boa versión”.
Engade Irene Ferreras que o conxunto canario do CD Juan Grande Ginelux é “un equipo que séntese cómodo nesas situacións de duelos individuais a nivel defensivo, que se non sabemos interpretar ben onde están os espazos, pódennos xerar perdas que nos incomoden. Imos tentar facer unha boa lectura do que expoña o rival, que en principio e a priori van ser esas as súas armas”.
Advirte Irene Ferreras que “cando non te xogas nada tes ese descaro que che fai xogar sen medo e sen complexos”. Na opinión da adestradora madrileña o conxunto isleño “ten boas futbolistas arriba, transita moi ben, é perigoso tamén en balón parado ofensivo. Ten armas e ten facetas onde pódenche incomodar”.
Irene Ferreras: “Temos que entrar no partido enchufadas mostrando o que nos xogamos”
Puxo Irene Ferreras o acento no xogo propio: “Nós temos que reducir todas esas fortalezas desde ter a pelota, o control do xogo, desde xogar con soltura pero tamén con respecto e desde sobre todo entrar no partido moi enchufadas e mostrando desde o primeiro momento o que nos estamos xogando”.
Irene Ferreras admitiu que esta semana, despois da vitoria en Madrid ante o Rayo Vallecano, foi “loxicamente moi distinta á semana pasada. Vivimos de resultados e animicamente é outra cousa. Despois dunha derrota dura como foi a do Real Oviedo, o equipo fixo unha demostración da capacidade que ten, competimos moi ben un partido moi complicado, sacamos un gran resultado e dános moral para afrontar o que vén agora, que é importante. Só pensamos no CD Juan Grande e niso estamos”.
Con sobrada experiencia na máxima categoría do fútbol feminino, quere trasladar a falta de dúas xornadas “a mensaxe de que só temos un partido. Non quero falar de que quedan 2 porque a cabeza nos leva a que pode pasar a última xornada e realmente todo iso non importa se nós non sacamos os 3 puntos aquí en casa. Enfocámolo desde que nos queda un partido, desde que toda a nosa atención e toda a nosa concentración está posta niso. Non se pode mirar máis aló diso”.
Así pois, insiste en “a mensaxe do día a día é presente, adestrar hoxe, seguir preparando o partido, que o equipo chegue con todo o máis controlado posible e logo que salgamos moi enchufados desde o principio, que podamos conectar á nosa afección desde o primeiro momento, que salgamos con enerxía para poder enchufalos a eles tamén e que xeremos esa sinerxía en Abegondo que nos empuxou durante toda a temporada, que nos levou á situación na que estamos”.
O Dépor ABANCA confía nos folgos da afección
A desta xornada é a última cita ligueira do Dépor ABANCA na Cidade Deportiva de Abegondo diante da súa incondicional afección: #ANOSAFORZA. Nese sentido, Irene Ferreras repetiu en rolda de prensa a “importancia que ten para nós. Sabemos que no último partido (ante o Real Oviedo) non estivemos á altura, non soubemos conectar un pouco esa calor e esa enerxía que nos ofreceu sempre; e nós imos facer nosa parte, que é saír súper metidas no partido, acertar nas accións, mostrar ambición, mostrar carácter, mostrar personalidade, que séntanse identificados, que a partir de aí axúdennos a roubar cada pelota, a empuxar cada pelota á rede cando haxa que facelo”.
Apunta Irene Ferreras que As Nosas esperan “poder brindar unha vitoria que nos poña as cousas bonitas de cara ao que quede, pero, como non sabemos aínda se é para despedirnos ou non, poder pechar polo menos a temporada regular con moi boas sensacións todos xuntos”.
Ante o CD Juan Grande toca gañar
Márcase como “obxectivo prioritario” vencer este domingo ao CD Juan Grande Ginelux “e logo veremos as contas que hai que botar. O discurso de toda a temporada foi o play-off. Creo que se non o temos asegurado matematicamente témolo de maneira virtual. Agora xa non é momento de conformarse, é momento de dar un paso adiante, de non fallar en casa, de gañar 3 puntos, de facelo ben, de demostrar o carácter que tivemos o outro día, que creo que fixemos un dos partidos máis completos da temporada pola súa dificultade e polo ben que entendemos as situacións do xogo”.
“Só quero pensar no CD Juan Grande porque todo o que non sexa sumar aquí 3 puntos afástanos de calquera tipo de cálculo que nos poida esperanzar a iso”, advertía Ferreras.
Tamén pedía a adestradora deportivista “afastar os nosos pensamentos dos demais equipos, do que vaian facer ou deixen de facer, porque nos fai perder o foco no realmente importante, que é como temos que estar nós. Temos que ser as protagonistas da nosa historia. Daquela o fútbol e a competición dirannos onde nos colocamos e o que toca facer no seguinte paso; pero agora estar centradas no noso, CD Juan Grande”.
Irene Ferreras, adestradora do Dépor ABANCA: “Sei que a última xornada hai enfrontamentos directos, que nos poden favorecer ou non. Non vivo pensando en que ningún dos rivais van picar porque ao final sería estar a me agarrar a unhas ilusións que non dependen de min. O que depende de nós é facer un bo partido o domingo, gañar e a partir de aí xa veremos”.
Irene Ferreras non bota contas: “Sei que a última xornada hai enfrontamentos directos, que nos poden favorecer ou non. Non vivo pensando en que ningún dos rivais van picar porque ao final sería estar a me agarrar a unhas ilusións que non dependen de min. O que depende de nós é facer un bo partido o domingo, gañar e a partir de aí xa veremos”.
