- Irene Ferreras, adestradora do Dépor ABANCA, analizaba ante os medios, na rolda de prensa previa ao partido contra o Barça B, como ve o partido contra as culés.
“Se hai un equipo que é reconocible por todos independentemente cal sexa a categoría creo que é o FC Barcelona. É o seu filial, pero ten unha proposta de xogo moi definida, moi marcada. Non nos imos a atopar nada diferente ao esperado”, así se expresaba Irene Ferreras, adestradora do Dépor ABANCA, na rolda de prensa previa ao partido de mañá, sábado 19 de novembro, na Ciutat Esportiva Joan Gamper ante o FC Barcelona B. O partido co filial culé está marcado para as 16:00 horas.
A adestradora branquiazul apuntaba ante os medios que “a clave está en que precisamente como é un equipo que a nivel ofensivo ten moi definido os seus patróns de xogo, un equipo con moita mobilidade, con moitos recursos para atacar, imos ter que estar moi acertadas neses detalles defensivos”.
Irene Ferreras: “Imos ter que estar moi acertadas neses detalles defensivos”
Na opinión de Irene Ferreras non abonda só “con enerxía, con intensidade, con agresividade, senón que creo que tácticamente o equipo ten que defender de maneira intelixente. Temos que interpretar ben as situacións, identificar onde nos van a tentar buscar esas vantaxes e en que espazos do campo interésanos máis que non as atopen e a partir de aí poñerlles en dificultades para querer roubar, recuperar a pelota, quitarlla o maior tempo posible. Imos ver quen se impón máis nese sentido”.
Vaticina a adestradora do Dépor ABANCA “un partido bonito por diante porque son dous equipos que van querer a pelota e máis aló de canto tempo teñamos a pelota cada equipo, o importante vai ser canta calidade deámoslle ás accións ofensivas, se somos capaces de facer dano, de ser incisivas e de aproveitar os nosos momentos”.
Na opinión da entrenadora Irene Ferreras, Dépor ABANCA e FC Barcelon B van ofrecer “un partido bonito, porque son dous equipos que van querer a pelota e máis aló de canto tempo teñamos a pelota cada equipo, o importante vai ser canta calidade deámoslle ás accións ofensivas, se somos capaces de facer dano, de ser incisivas e de aproveitar os nosos momentos”
Advirte sobre o rival desta fin de semana, o FC Barcelona B, que, “a pesar de que é coñecido pola visibilidade do Barça en todas as súas categorías, é moi difícil de analizar. Ademais de que a nivel individual cada xogadora dálle a súa esencia ao modelo de xogo, teñen moitísimos patróns. Quizais cun equipo máis caótico baséasche máis en xeneralidades, neste caso cando queres chegar ao detalle e queres preparar e polo menos poder darlle ás xogadoras esas posibles opcións que se van a atopar, atópasche cun abanico de posibilidades grande e a verdade que é difícil”.
Di Irene Ferreras que, por este motivo, “para min é un partido bonito como adestradora, porque supón un reto, interpretar o que vai pasando a pesar do que ti prevés que vai pasar. É un partido que o fútbol feminino vai gozar moito porque son dous equipos que practican moi bo fútbol”.
Finalmente recalcaba Irene Ferreras en rolda de prensa que o Dépor ABANCA non quere “saír a defender ou estar a defender a maior parte do partido. Nós queremos impoñernos a nivel ofensivo, queremos ter a pelota e estar en campo contrario, pero tamén somos conscientes da dificultade do rival, e que cando che quite o balón pode ser que sexas capaz de recuperalo rápido ou pode ser que teñas que ser intelixente para interpretar cando tes que recuperalo”.
Explicaba Irene Ferreras que o Dépor ABANCA matizou e traballou “certas cousas a nivel defensivo, pero oxalá o necesitemos o menos posible porque sexamos capaces de impornos en fase ofensiva”.
