“Creo que fixemos un partido moi completo, fixemos o suficiente para gañar e tivemos que esperar ao último minuto de partido para poder facer ese gol”, a que fala e Irene Ferreras, adestradora do Dépor ABANCA. A entrenadora deportivista expresábase nesta liña na rolda de prensa post-partido tras vencer ao SE AEM por 1-0 no último minuto de partido. O Dépor ABANCA tivera ocasións desde o primeiro minuto do encontro, pero a finalización non chegou ata o últiom suspiro do choque.
A adestradora deportivista Irene Ferreras destaca que “o equipo fixo todo o que podía facer. É verdade que non estivemos tan finas na definición, que é o que che dá os puntos, pero xeramos situacións, que é o que hai que valorar nun equipo de fútbol. O equipo mantívose firme, mantivo a súa identidade, tentouno até o final. Recollemos ese premio”.
A pesar do 1-0, opina Irene Ferreras que o Dépor ABANCA “ten gol, mordente. Teño moitas xogadoras no cadro con capacidade de facer gol. Foi Sara Navarro e alégrome moito por ela porque adestra moi ben, non está a ter moitas oportunidades pero tela aí e nun momento dado pódeche desatascar un partido. Imos seguir confiando en todas as xogadoras, estiveron todas de 10. Hai días que están máis finas, a cabeza xoga o seu papel e segundo ían pasando os minutos entras nese nerviosismo que aínda que o queiras controlar é moi difícil. Hai que valorar o traballo do equipo, tres puntiños que nos dan moito ánimo e a continuar”.
Esta semana non hai competición de liga na Primera Federación FutFem. A xornada oitaba deixou en boa situación clasificatoria ao Dépor ABANCA. As coruñesas contan con 17 puntos e ocupan a segunda praza. Unicamente a SD Eibar supera ás galegas con 20 puntos no seu haber.
A seguinte cita ligueira das deportivistas será o domingo 20 de novembro ás 16:00 na Ciutat Esportiva Joan Gamper (campo 7) ante o FC Barcelona B, sexto clasificado, en partido correspondente á novena xornada.
O parón desta fin de semana permite organizar algunha actividade alternativa para As Nosas. Así, hoxe mércores, en lugar do céspede de Abegondo, as futbolistas branquiazuis realizarán ás 11:30 un xogo de escape room, por xentileza da empresa The Rombo Code, situada no polígono coruñés da Grela e especializada en eventos de empresa e celebracións particulares. As xogadoras, divididas en varios grupos, terán que, utilizando a lóxica e o traballo en grupo, escapar dunha habitación nun tempo establecido.
A xornada arrancará ás 9:30 cun almorzo para futbolistas e técnicos no Sanbrandan Lunch situado na tenda FNAC da praza de Lugo.
Irene Ferreras da descanso á futbolistas do Dépor ABANCA a fin de semana
Ademais, Irene Ferreras dispuxo esta semana dúas sesións de traballo matinais na Cidade Deportiva. As futbolistas están citadas cada día que haxa traballo ás 8:30 na instalación para realizar actividades previas antes de saltar ao campo como vídeo ou ximnasio. A planificación semanal, sempre susceptible de sufrir variación por razóns técnicas, é a seguinte segundo informa o RC Deportivo:
- Mércores 9 de novembro 9:30: Almorzo en Sanbrandan Lunch en FNAC.
- Mércores 9 de novembro 11:30: Actividade en The Rombo Code na Grela.
- Xoves 10 de novembro 10:00 h.
- Venres 11 de novembro 10:00 h.
- Sábado 12 de novembro. Descanso.
- Domingo 13 de novembro. Descanso.
O Dépor ABANCA acada no último minuto o gol que se lle resistiu o resto do partido
