A haltera coruñesa Irene Blanco vén de proclamarse campioa de España absoluta en 87 quilos ao ser quen de levantar 97kg en arrancada e 116kg en dous tiempos. Con estas dúas marcas, a galega fixo un total olímpico de 213kg.
Curiosamente, con esta marca Irene Blanco tería sido subcampioa do Mundo junior, no campionato celebrado hai 15 días en Tashkent (Uzbegistán). Pero nesa competición non houbo representación feminina española por decisión técnica.
En 81kg. a tamén galega Eva Fernández, do CH Pontevedra, obtivo a prata con 81kg en arrancada, 93 en dous tempos e 172 no total olímpico.
Tamén participaron nesta xornada de sábado as seguintes halteras galegas: na Categoría de 49 kg. as galegas do CH Coruña Noelia García, que rematou quinta, e Ruth Fuentefría que rematou sétima.
🏋🏻 🥇 Irene Blanco, campioa de España absoluta en 87 quilos‼️
Levantou 97 en arrancada e 116 en dous tiempos
213 en total olímpico 💪
🟥Con esta marca, podería ter sido subcampioa do mundo junior pero non foi convocada para ese certame
Parabéns @IBlancoPodium
🔝 Rozou o récord pic.twitter.com/dFMyAtxCmP— A Coruña Deportes (@coruna_deportes) June 12, 2021
Este Campionato de España Absoluto Feminino e Masculino de Halterofilia estase a celebrar en Molins del Rey, Barcelona. A participación supera o cento de deportistas en ambos xéneros, o que ten obrigado á organización a dividir o concurso en dúas xornadas completas que se celebran sábado e domingo en terras catalás.
Este campionato está a contar cunha participación récord, xa que pese a que as marcas mínimas esixidas para acudir á cita deportiva eran altas e que o límite por comunidade autónoma está fixado en 10 mulleres e 10 homes, ao final a participación ten supera as máis de 100 mulleres e os máis de 100 homes.
Sétimo campionato de España absoluto para Michael Otero
Na competición masculina cabe salientar que Michael Otero, do CH Coruña foi tamén campión no peso de 55kg. obtendo así o seu sétimo título absoluto. Ademais, o seu compañeiro de club, Víctor Castro, acadaba a prata nos 67kg.
Estos son os resultados, marcas e clasificacións obtidas polos 18 compoñentes da Selección Galega de halterofilia nas modalidades de arrancada, dous tempos e total olímpico respectivamente, na competición de hoxe sábado:
Categoría 55 kgs
Michael Otero CH Coruña 90 (ouro) 120 (ouro) 210 (ouro)
Categoría 67 kgs
Víctor Castro CH Coruña 134 (prata) 145 (prata) 279 (prata)
Ivan Ramirez CH Pabellón 103 (7º) 136 (4º) 239 (5º)
Categoría 49 kgs
Noelia García CH Coruña 62 (5ª) 73 (5ª) 135 (5ª)
Ruth Fuentefría CH Coruña 62 (6ª) 68 (9ª) 130 (7ª)
Categoría 81 kgs
Eva Fernandez CH Pontevedra (79 prata) (93 prata) (172 prata)
Categoría 87 kgs
Irene Blanco CH Coruña 97 (ouro) 116 (ouro) 213 (ouro)
O resto da Selección de Galicica vai competir mañá domingo 13 de xuño.
Revive a participación da Selección Galega no Campionato de España de Halterofilia
