A haltera galega Irene Blanco do Club Halterofilia Coruña conseguiu proclamarse campioa de Europa Sub-23 en -76kg nas modalidades de arrancada e total olímpico, acadando ademais a medalla de prata. Na competición participou tamén outra galega Uxía Romero (C.H. Ourense) aínda que no seu caso na categoría Junior 64 kg e acaba a medalla de bronce en dous tempos e a prata no total Olímpico.
Ver esta publicación en Instagram
O Campionato de Europa Junior e Sub-23 tivo lugar en Polonia e alí desprazou a Real Federación Española de Halterofilia ao seu equipo no que había dúas das nosas deportistas Uxía Romero (C.H. Ourense) e Irene Blanco (C.H. Coruña).
A primeira en competir sería Uxía Romero (C.H. Ourense) que é Junior e participaba no peso de 64 kg. A ourensá chegou a levantar 85kg en arrancada pero quedou en 4.ª posición ás portas do podio. O bronce estivo en 87 kg polo que a galega acariñou o metal nesta modalidade.
Onde si subiría ao podio Uxía Romero sería en dous tempos, modalidade na que chegou a levantar 109 kg o que lle valou unha medalla de bronce. No total olímpico a ourensá Uxía Romero do C.H. Ourense proclamouse subcampioa de Europa junior en 64 kg.
Ver esta publicación en Instagram
Dous ouros e unha prata para Irene Blanco Tarela
O maior éxito galego foi para a coruñesa Irene Blanco do Club Halterofilia Coruña. A levantadora ten moita experiencia internacional pero chegaba á competición logo de ter que superar situacións complicadas que ela mesma comentaba no xornal DxT Campeón antes da competición.
Pese ao duro do camiño previo a levantadora do CH Coruña Irene Blanco facía unha competición na que asinaba en arrancada: 88 kg, 90 kg e 93 kg. Acandando así tres intentos válidos e unha medalla de ouro nesta modalidade. Xa nos dous tempos Irene Blanco repetiu éxito proclamouse campioa de Europa Sub-23 en -76 kg. No total olímpico colgou do pescozo a medalla de prata.
