Irene Blanco acada 1 bronce do Europeo Junior de halterofilia

A haltera galega Irene Blanco regresou do Campionato de Europa Junior cun bronce en arrancada, e foi cuarta en dous tempos e no total olímpico. A deportista coruñesa mantívose no podio pese a acudir á cita fisicamente mermada. O pasado mes estivo ingresada unha semana no hospital por unha infección bacteriana. Irene Blanco demostra así que é unha auténtica loitadora.

¡Medalla de Bronce para España!
Irene Blanco @IBlancoPodium ha ganado el bronce en arrancada en la cat. 87 kg del Europeo Júnior, Finlandia .
Arrancada ➡️ 91 kg.
4ª Dos Tiempos ➡️ 108 kg.
4ª Total Olímpico ➡️ 199 kg.
hookgrip#HalterofiliaEspaña pic.twitter.com/AYbAEaOW3N
— (@fedehalter) October 1, 2021

A competición continental tivo lugar no Complexo Deportivo de Santa Sport da cidade de Rovaniemi, como curiosidade hai que dicir que é a cidade natal de Santa Claus, así que, se cadra, este bo resultado é un agasallo adiantado de Santa para a galega polo seu bo traballo e esforzo na práctica da halterofilia.

Irene Blanco Tarela, bronce no Europeo junior de halterofilia / CH CORUÑA — Irene, bronce no Europeo junior / CH CORUÑA

Irene Blanco Tarela competía na categoría de menos de 87 quilos de peso corporal. A halterófila do CH Coruña é unha fixa no podio e unha favorita á hora de acadar medalla, pero como explicamos, acudía a esta cita sen estar ao cento por cento. De feito, a coruñesa foi dúbida ata que solventou con éxito o test previo ao campionato Europeo e, en función dese resultado, foi seleccionada pola dirección técnica da Real Federación Española para a cita continental.

Pese aos contratempos de saúde, Irene Blanco estivo loitando ata o último momento por subir ao máis alto do podio nas tres modalidades. A competición estivo tan disputada que entre a primeira e a cuarta clasificada unicamente houbo 3kg de diferencia.

Nestas condicións de competición, Irene Blanco acadaba a medalla de bronce en arrancada. Nos dous tempos errou no se último intento cos 111kg. De telo acadado, tería vencido, pero ao final rematou en cuarta praza tanto nesta modalidade como no total olímpico.