A localidade de Durres, en Albania, acollía o Campionato de Europa junior de halterofilia no que competiu a galega Irene Blanco Tarela na categoría feminina de 76 quilos. Esta foi a última vez que a deportista herculina competía en idade junior e rematou en cuarta posición.
Entre as 11 finalistas da categoría de 76kg subiu á tarima a deportista do CH Coruña, Irene Blanco Tarela. A haltera estreaba nova categoría de peso corporal, habitualmente compite no seguinte grupo, a de 81 quilos. Non tivo sorte co cambio. Atopouse con rivais moi fortes tamén desprazadas doutras categorías. De feito, a categoría de 76 kg resultou ser unha das máis concorridas deste campionato europeo de 2022.
Quinto posto para Irene Blanco en arrancada e dous tempos
En arrancada, Irene Blanco conseguiu realizar todos o seu tres intentos validos, chegando levantar 94 quilos que lle delegaron ao 5º posto desta modalidade.
En dous tempos, Irene Blanco levantou co seu primeiro intento 112 quilos que lle valeu a mesma clasificación, 5º. posto.
E no total olímpico sumou 206 quilos, batindo así o récord de España junior e quedando a un paso do podio ao ocupar a cuarta posición, pero nin co récord estatal español alcanzou o podio a galega.
A campioa foi a armenia Milena Khachatryan, a subcampioa a turca Dilara Ucan e a terceira a letona Daniela Ivanova.
Hai uns días, nesta mesma competición, a súa compañeira na expedición española da Federación Española de Halterofilia no Club Halterofilia Coruña , Ruth Fuentefría, acadaba dúas medallas de bronce. As marcas de Ruth Fuentefría neste campionato Europeo Junior foron 66 quilos en arrancada, 77 quilos en dous tempos e 143 quilos en total olímpico.
Ruth Fuentefría acada dúas medallas de bronce no Europeo Junior de halterofilia
