Novo triunfo do Futsi Atlético Navalcarnero que tivo como vítima nesta ocasión a un Ourense Envialia que lle fixo fronte no seu propio feudo. As galegas chegaron ao descanso so un gol por debaixo das locais (2-1), pero remataron por perder por un tanteo de 5-2. Nas filas das locais xogaba a internacional galega Vane Sotelo.
Seis partidos xogados, seis ganados, e so seis goles encaixados. Deses dous levan a rúbrica do Ourense Envialia. Esa é a tarxeta de visita do Futsi Atlético Navalcarnero que una tempada máis amósase intratable no alto da táboa da Primera División RFEF FutSalFem. As futbolistas ourensás prantáronlle cara no seu propio feudo, pero cando o Futsi mete a directa, é complicado non acabar poñendo o xeonllo en terra.
Intentouno de todos os xeitos posibles un combativo Ourense Envialia que non o tiña doado sobre o papel. No primeiro minuto de xogo xa recibían as galegas que adestra Mondo un gol. Antouno María Sanz cun tiro exterior (1-0). A primeira na fronte. Pero, quen dixo medo?
Non chegara o partido aos dez minutos de xogo e o Ourense Envialia recibía o segundo. Asinouno Lora a pase de Ju Delgado (2-0). Nin así baixou os brazos o conxunto galego.
A recompensa chegou a un minuto do descanso. Sara Moreno anotaba logo dun saque de banda (2-1). O equipo ourensá chegaba á metade do choque con vida e posibilidades.
Golazo de Ari para o Futsi
Pero o Futsi Atlético Navalcarnero é quen é por algo. Non concede respiros. Nada máis sacar de centro no arranque do segundo acto chegou o 3-1 nas botas de Ari que marcaba un golazo desde a súa propia cancha. Xarro de auga fría para as galegas.
No 33 anotou o 4-1 Becha e cinco minutos despois María Sanz levaba a vantaxe das locais ao 5-1. Foi con todo o bloque do Ourense Envialia optando polo xogo de cinco no treito final do choque. Sen porteira e cunha presión alta sobre o Futsi, chegou o premio para o conxunto galego. Foi un gol de Clara Fernández (5-2). Sería o último do partido.
FICHA TÉCNICA
5) FUTSI ATLÉTICO NAVALCARNERO: Belén; Ari, María Sanz, Irene Córdoba e Anita Luján – quinteto inicial -. Tamén xogaron: Amelia, Lora, Vane Sotelo, Ju Delgado, Becha e Marta Balbuena (segunda portera).
2) OURENSE ENVIALIA: Vane Barberá; Jenny Lores, Clara Fernández, Chiky e Candela – quinteto inicial -. Tamén xogaron: Vero, María Arias, Marta, Sara Moreno e Uxía.
GOLES: 1-0, min. 1 María Sanz. 2-0, min. 9 Lora. 2-1, min. 19 Sara Moreno. 3-1, min. 21 Ari. 4-1, min. 33 Becha. 5-1, min. 37 María Sanz. 5-2, min. 38 Clara Fernández.
EQUIPO ARBITRAL: Colexiados, González Moreta e Moreno Durán. Amonestaron con cartón amarelo as futbolistas Sara Moreno, nas filas do Ourense Envialia, e María Sanz Andrés Sanz no bando do Futsi Atlético Navalcarnero.
INCIDENCIAS: Partido correspondente á sexta xornada da Primera División da RFEF FuSalFem disputado no pavillón La Estación.
