Menos de tres días é o que resta para que de comezo o máximo referente mundial da marcha en ruta do calendario da World Athletics. O Gran Premio de Marcha Cantónes da Coruña Trofeo Sergio Vázquez ultima os preparativos dunha gran loxística que fará posible que polo trazado coruñés decídanse as últimas prazas olímpicas de varios dos países participantes, incluído España.
Un total de 162 atletas en representación de 29 nacións tomarán parte nos 20 km. que arrincarán ás 17.00 horas na categoría feminina e as 19,00 horas para a masculina. Todos eles con obxectivos moi distintos. Algúns, loitando para conseguir presencia nos Xogos Olímpicos de Tokio; outros intentando mellorar os seus rexistros persoais.
Entre as deportistas galegas destaca marchadora Antía Chamosa. Como vén sendo habitual, os cabezas de cartel contarán cos primeiros dorsais. Tanto o subcampión mundial de Doha, que parte ca mellor marca dos participantes, o ruso Vasili Vizinov, como a ecuatoriana Glenda Morejon, gañadora na última edición coruñesa e gañadora sudamericana 2021, contarán coa honra de tomar a saída co número un no seu costado.
Non menos importante son o medallista de bronce sueco no último mundial de Doha, Perseus Karlstrom, e a internacional española, campioa por equipos na última copa de Europa en Podebrady, Laura García-Caro, quienes saldrán co dorsal dous.
O resto de destacos marchadores e marchadoras serán Álvaro Martín, campión de Europa, e Raquel González, cuarta clasificada na Copa de Europa de Marcha deste ano, que tomarán parte co dorsal numero tres; Diego García, subcampión de Europa en 2018, e a subcampioa no 50 km. da Copa de Europa-2019, Julia Tackacs, co catro; a ecuatoriana Karla Johan Jamarillo, subcampioa Panamericana 2021 e o campión europeo dos 50 km. o español Marc Turó, co cinco; o portugués, supcampión mundial do 50 km. en Doha, Joao Vieira, e a campioa do mundo Sub20 do 2012, 5ª no Campionato do Mundo de Doha, a colombiana Sandra Arenas, serán quenes tomen a saída co número seis.
Por último e completando esa relación de Top8 mundial, poderemos ver á a brasileira Erika Rocha, bronce no Campionato do Mundo de Roma en 2016 e o alemán Christopher Linke, quinto clasificado nos Xogos Olímpicos de Río, co dorsal sete, sendo o oito para o inglés subcampión de Europa de marcha por equipos no 2019, Tom Bosworth, e para a marchadora portuguesa Ines Henriques, campioa mundial por equipos nos 50 km. en Doha
Recepción municipal
O concello da Coruña, coorganizador de Cantones xunto á Federación Galega de Atletismo, fará unha recepción a unha representación dos atletas participantes e adestradores o vindeiro venres, 4 de xuño, ás 12,30 horas, no Pazo de María Pita.
Na mesma, acudirán tamén dous históricos da marcha mundial: Maurizio Damilano (Italia) que acude a Coruña en calidade de Delegado Técnico da World Athletics e Raúl González (México), facendo labores de adestrador.
Streaming en directo
Asemade, a organización fará unha retransmisión en directo desde o hotel oficial de concentración dos atletas o venres, a partires das 19,00 horas, para coñecer as impresións dos protagonistas, os seus obxectivos e a súa valoración desta importante competición.
O GP Cantóns da Coruña de marcha atlética terá gran multiculturalidad social e deportiva
