- Lucía Prol e Inma Lavado repiten presenza no combinado nacional tras a preparación dos
preuropeos. - A capitá das lucenses disputa este fin de semana en Austria a segunda fase da clasificación para o Campionato de Europa.
A excelente campaña protagonizada polo CV Arenal Emevé segue tendo recompensa para as súas xogadoras en forma de convocatorias internacionais coa Selección Española de voleibol. Nesta ocasión Inma Lavado, Carla Jiménez e Lucía Prol foron chamadas polo seleccionador nacional, Pascual Saurín, para a preparación da European Golden League.
Non será a primeira experiencia para Inma Lavado e Lucía Prol, xa presentes na preparación do Preuropeo. De feito, a capitá formou parte da lista definitiva e, tras disputar a primeira fase en Grecia, este fin de semana viaxará a Austria para buscar un billete para o Campionato de Europa.
Inma Lavado, que finalmente non entrou entre as convocadas, buscará nesta ocasión levar a cabo o seu debut en partido oficial coa absoluta.
Debú coa absoluta de Carla Jiménez
Para quen si será a primeira experiencia é para Carla Jiménez, que tras formar parte das categorías inferiores chega por fin ao equipo das maiores.
A central catalá gañouse esta posibilidade grazas ao seu gran rendemento na pista esta campaña, na que se confirmou como unha das grandes promesas do vóley nacional.
