A segundo día do campionato de seleccións de Huelva deixa unha vitoria e unha derrota para o cadro galego. As infantís de Nacary Rojas gañan nun partido moi importante ante a selección balear. Pola banda das cadetes, perderon ante a selección de Euskadi por 21 puntos.
As infantís gañan por oito puntos a selección de Illas Baleares
As rapazas de Nacary Rojas venceron á selección balear por 59 a 67. As infantías galegas acadaban así a súa primeira vitoria nesta campionato estatal de seleccións autonómicas que está a ter lugar la localidade andaluza de Huelva aproveitando as datas de Nadal.
Galicia e Baleares comezaron algo precipitadas neste cruce de infantís. Impuxeron un ritmo que se converteu no aliado perfecto dos erros e imprecisións ante canastra.
Neste panorama de ida e volta, Galicia conseguía estar algo máis acertada. Encararon o camino ao descanso as infantís cun colchón de trece puntos a favor.
O regreso dos vestiarios marcou un ritmo elevado de xogo sobre a cancha. Así, as rapazas galegas manteron a diferenza e axustaron mellor a circulación de balón. Facéronse no electrónico cunha diferencia maior, de 17 puntos arriba ao remate do segundo cuarto.
Esta marxe costoulle defendela as de Nacary Rojas. O cansazo sumado aos nervios permitiu a Baleares dinamitar o marcador e volver a impoñer a igualdade numérica (56 a 56). Só faltaban catro minutos para que soara a bucina.
A tensión era palpable. Pero Galicia dominou tanto dende o bancada como con dúas canastras valiosas. Fixeron que as rivais baixaron os brazos e sumaron un triunfo moi importante.
Terán que estar preparadas as xogadoras do combinado infantil galego xa que disputan dous encontros na seguinte xornada competitiva. O primeiro será (5 de xaneiro, ás 9.30 horas) ante Cataluña e o segundo (ás 17.30 horas) faralles medir forzas fronte a selección madrileña. Dobre xornada polo tanto para as baloncestistas que adestra Nacary Rojas.
FICHA TÉCNICA
SELECCIÓN ILLAS BALEARES: Marina Colom, Laura García, Gibet Cortes, Andrea Mateu, Lucía Pedrera —quinteto inicial—, Eva García, Llucia Moya, Laura Bustamante, María Antonia Vadell, María Soledad Dalma, Joana Aina Canaves e Favour Izeli Elabor.
SELECCIÓN GALEGA: Cloe Vecina, Claudia Lado, Uxía Rodríguez, Ines Sotelo, Irene Noya —quinteto inicial—, Sofia Villar, Laura Martín, Irene Freitas, Aroa Piñeiro, Sara Labrada, Iris Comesaña e Teresa Cabello.
ÁRBITROS: Rodrigo Gallego Saldaña e Juan Miguel Pérez López.
PARCIAIS: 11-18, 12-18, 16-14, 20-17 (59-67).
Saldo negativo para as cadetes galegas ante Euskadi
As que están a ter un inicio irregular están sendo as xogadoras que conforman o combinado cadete. O País Vasco entrou mellor no partido cas galegas. Concretamente as vascas aproveitaron ao máximo o seu poderío físico. As xogadoras de Rubi Vázquez remaron contra a superioridade rival. Aproveitaron os segundos dez minutos para coller os folgos precisos.
De feito, entraron no terceiro cuarto con opcións de non deixar ir a polo encontro. Tanto foi así, que dous roubos en momentos clave deixábaas unicamente a seis puntos das vascas. Vivas e con opcións de plantarlles cara. Pero esta lixeira diferenza ampliouse cun par de erros decisivos. Isto castigou a Galicia que volvía a afastarse no electrónico de Euskadi ata o tanteo 44 a 65 final.
Na próxima xornada, a selección galega disputará o último encontro da fase de grupos fronte Cataluña (o día 5 de xaneiro, ás 13.30 horas)
FICHA TÉCNICA
SELECCIÓN GALEGA: Clara Prieto, Raquel Vázquez, Alejandra Castaño, Lucía Sotelo, Lorena Lorenzo —quinteto inicial—, Yhoranna Dias, Clara Fidalgo, Paloma Mendoza, Lucía Galan, Claudia Fiel, Marta Andrade e Carlota Aparicio.
SELECCIÓN VASCA: Naia Puente, Nile Muguira, Irune Orio, Olatz Fernández, Paula González —quinteto inicial—, Arene Echeverría, Elene Sarasola, Ane Valle, Elene Sarasua, Julene Emily Royale, Ane González e Paula Elzaurdi.
ÁRBITROS: Julio Rijo Múñoz e Miquel Remisa Tramuns.
PARCIAIS: 7-19, 11-12, 12-12, 14-22 (44-65).
