Do 15 ao 19 de xuño, o Club Waterpolo Pontevedra infantil estivo en Tenerife disputando a Paradise Cup. Organizada polo Waterpolo Tenerife Echeyde, esta copa reunía a equipos punteiros do panorama nacional (Sant Andreu, Cabala e o propio Echeyde) e internacional (o Vilnus Waterpolo lituano), dando como resultado unha competición do máis alto nivel.
Del 15 al 19 de junio, el Club Waterpolo Pontevedra infantil estuvo en Tenerife disputando la Paradise Cup, organizada por el Waterpolo Tenerife Echeyde, con @CNsantandreu @cncaballa y Vilnus Waterpolo lituano.
Muchas gracias @CNECHEYDE ! pic.twitter.com/2lUKY2FC6K— Waterpolo Pontevedra (@WP_Pontevedra) June 20, 2023
A piscina Acidalio Lorenzo foi a instalación na que se disputou a competición. Trátase da piscina na que se xogan os encontros de División de Honra tanto feminina como masculina. Escenario ideal no que debutaba o conxunto galego o venres pola mañá fronte ao CN Cabala, que deixaron claro que son un dos clubs punteiros de España. O equipo ceutí marcou a diferenza fisicamente e levou a vitoria na xornada inaugural.
O venres pola tarde foi xornada de descanso para o Club Waterpolo Pontevedra. Xa o sábado disputaron un total de tres partidos. O primeiro deles, fronte ao CN Sant Andreu, que terminaría como campión do torneo. Nivel altísimo dos cataláns, segundos clasificados na liga autonómica e un dos clubs referencia a nivel nacional.
Posteriormente o Club Waterpolo Pontevedra infantil mediuse ao Vilnus Waterpolo lituano, campión da edición anterior do torneo e un equipo moi forte fisicamente co que pechaban a xornada matutina. Despois de comer enfrontáronse ao equipo local, o Tenerife Echeyde, colleitando a terceira derrota, eso si, diante de rivais de gran nivel.
Na xornada final do domingo, o Club Waterpolo Pontevedra mediuse ao combinado do Tenerife Echeyde e sumando a primeira vitoria desta Paradise Cup, e finalizando así en 5ª posición a competición.
Desde o Club Waterpolo Pontevedra cualifican esta actividade como unha “tremenda experiencia que serve como premio á tempada e como boa aprendizaxe para os/as nosos/as xogadores/as, que seguen mostrando un continuo progreso”.
Unha ducia de deportistas galegos na Paradise Cup
Disputaron a Paradise Cup tinerfeña nas filas do Club Waterpolo Pontevedra: Diego Pazos, Daniel Martínez, Adrián Peaguda, Guillermo Penide, Mauro Varela, Miguel Fernández, Xabi Sobral, David Fernández, Gabriella Smith, Carmen Sanguinetti, Israel Xerez e Mateo Pereira.
