Nas carreiras da Coruña e comarca a Fundación ENKI é unha entidade que sempre que pode está presente para visibilizar o deporte adaptado e a inclusión neste ámbito da vida: o deporte. Entre os deportistas da cidade, os ‘Marines‘ de ENKI, son un máis nas liñas de saída e de meta de carreiras como a Coruña10. Xa vos temos falado deste grupo de deportistas outras veces, pero volven estar de actualidade.
Os Marines ENKI adoitan participar en citas deportivas como as carreiras populares. O nome ven da suma de Mario e Inés dúas das persoas deportistas con diversidade funcional que integran a Fundación ENKI.
Logo de tantos quilómetros polas rúas coruñeses, Mario, Inés e tamén Pedro queren ir máis aló. O seu soño é correr a mítica maratón de New York. Os tres teñen todo preparado para poder cruzar o atlántico e poñerse a rodar coas súas cadeiras pola gran mazá. Contan coa financiación para asumir os gastos da viaxe, pero fáltalles o máis importante: os dorsais.
Ver esta publicación en Instagram
Segundo explican, os dorsais dúo son escasos e outórganse por convite. Así que veñen de pór en marcha unha campaña de ámbito estatal para acadar apoios e conseguir correr coas súas cadeiras a maratón de New York.
Para axudar na campaña piden que se comparta o vídeo que vedes arriba e que está publicado en Instagram mencionando a @nycmarathon con #RUNKINYC.
En xuño chega a ‘Runki Carrera’
Anuncian que o 5 de xuño A Coruña acollerá a “Runki Carrera”, a Carreira dos Superheroes. Esta vez a Fundación Enki vai da man da Fundación Adcai. Todas as persoas que o desexen poderán participar sen ter importancia a súa idade, condición física. Desde a organización so poñen unha condición: corras, andes, ou vaias en cadeira adaptada, tes que disfrazarte de superheroe. Por diante, 7 km de inclusión, deporte e sorisos.
Ver esta publicación en Instagram
Para inscribirse na Runki Carrera dos Superheroes tedes toda a información aquí https://www.enkiproyecto.com/inscripcion/
